მზია ბაქრაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1953 წელს; თბილისის უცხო ენათა ინსტიტუტის ასპირანტურა 1958 წელს.

1948 წელს ჩააბარა თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე, მაგრამ მესამე კურსიდან შეიცვალა პროფესია და უცხო ენების ფაკულტეტის ფრანგული ენისა და ლიტერატურის სპეციალობის სტუდენტი გახდა. 1955-1970წწ. შეთავსებით მუშაობდა რეფერენტად საქართველოს უცხო ქვეყნების მეგობრობისა და კულტურული ურთიერთობის საზოგადოებაში და საფრანგეთის დელეგაციებთან; 1961–1962წწ. თანამედროვე ფრანგულ ლიტერატურაში სპეციალიზაციის მიზნით გაიგზავნა სტაჟირებაზე პარიზში, სორბონის უნივერსიტეტში უცხო ენების ინსტიტუტის მიერ; 1972-1973წწ. მოსკოვის უნივერსიტეტისა და ლიტერატურის ინსტიტუტის დოქტორანტი; 1958-1974წწ. თბილისის უცხო ენათა ინსტიტუტის ლექტორი; 1974-1976წწ. ფრანგული ენის ფაკულტეტის დეკანი; 1976-1986წწ. ამავე ინსტიტუტის ფრანგული ენისა და ლიტერატურის კათედრის გამგე; 1986-1987წწ. ინსტიტუტის პრორექტორი სასწავლო დარგში; 1988-1996წწ. ეწეოდა პედაგოგიურ და სამეცნიერო მოღვაწეობას უცხო ენათა ინსტიტუტის ფრანგული ენის კათედრაზე. 2006-2009წწ. ილია ჭავჭავაძის სახელმწიფო უნივერსიტეტის უცხო ენათა ფაკულტეტის სრული პროფესორი რომანისტიკის განხრით; 2009 წელს მიენიჭა უნივერსიტეტის ემერიტუსის წოდება. მზია ბაქრაძის სამეცნიერო მოღვაწეობა უკავშირდება ფრანგულ ლიტერატურასა და ფილოსოფიას. იკვლევდა ფრანგული "ახალი რომანის" თეორიულ საფუძვლებს და ეგზისტენციალიზმის პრობლემებს XX საუკუნის ფრანგულ ლიტერატურაში. 

დისერტაციის თემა - "ჟან პოლ სარტრის მსოფლმხედველობის ევოლუცია მისი ლიტერატურული ნაწარმოებების მიხედვით", დაიცვა 1964 წელს.

წყარო: თბილისის სახელმწიფო უნივერსიტეტი: tsu.ge; geowomen.wordpress.com; facebook.com

• საფრანგეთის აკადემიური პალმების ორდენის ოფიცერი