ოთარ ალექსიშვილი

დაბადების ადგილი: ქ. თბილისი.

დაამთავრა მოსკოვის ა. ლუნაჩარსკის სახელობის თეატრალური ხელოვნების ინსტიტუტის სარეჟისორო ფაკულტეტი 1934 წელს.

1934–1940 წლებში მუშაობდა რეჟისორ–სტაჟიორად ვ. მეიერხოლდის, შემდეგ კი მ. გორკის სახელობის მოსკოვის სამხატვრო თეატრში. 1940 წელს საქართველოში დაბრუნდა და მუშაობდა გორის, ხაშურის, ქუთაისის, თბილისის მოზარდ მაყურებელთა თეატრებში რეჟისორად. 1965–1968 წლებში იყო ჭიათურის, 1968 წლიდან გორის თეატრის მთავარი რეჟისორი, 1972 წლიდან კი საქართველოს ტელევიზიის რეჟისორი. დადგმული აქვს სპექტაკლები: გ. ხუხაშვილის "ცხოვრება კაცისა", გ. მდივნის "ბატალიონი მიდის დასავლეთისაკენ", ა. ოსტროვსკის "უდანაშაულო დამნაშავენი", ვ. შალიკაშვილის "უნიადაგონი", პ. კაკაბაძის "ცხოვრების ჯარა", ა. ოსტროვსკის "უმზითვო", ბ. ლავრენიოვის "რღვევა", გ. სუნდუკიანის "პეპო" და სხვ. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.105

• 1970 - საქართველოს სახალხო არტისტი
• მედალი "მამაცური შრომისათვის დიდ სამამულო ომში 1941-1945 წწ."