იაგო კაჭკაჭიშვილი

დაამთავრა თბილისის სახელმწიფო უნივერსიტეტი 1987 წელს.

სოციოლოგიის დოქტორი, სოციოლოგიისა და სოციალური მუშაობის მიმართულების ხელმძღვანელი სოციალურ და პოლიტიკურ მეცნიერებათა ფაკულტეტზე. კითხულობს კურსებს როგორც სოციალური თეორიების, ისე კვლევის მეთოდების სფეროში. აკადემიური საქმიანობის პარალელურად, აქტიურად არის ჩართული ემპირიული კვლევების განხორციელებაში. ხელმძღვანელობს არასამთავრობო კვლევით ორგანიზაციას "სოციალური ანალიზისა და კვლევის ინსტიტუტი" (ISSA). მონაწილეობა აქვს მიღებული ორმოცდაათზე მეტ საერთაშორისო პროექტში, როგორც პროექტის დირექტორს და/ან ანალიტიკოსს. არის 5 წიგნის და 40-ზე მეტი სამეცნიერო სტატიის ავტორი/თანაავტორი, რომელთა ნაწილი დაბეჭდილია საერთაშორისო გამოცემებეში ინგლისურ და რუსულ ენებზე. არის საერთაშორისო რეფერირებადი ჟურნალის ("Social Policy And Social Work In Transition’’) თანარედაქტორი (ჟურნალი გამოიცემა დიდ ბრიტანეთში). ერთობლივი აკადემიური და კვლევითი პროექტები აქვს განხორციელებული შემდეგ უნივერიტეტებთან: ნიუ-ჯერსის სახელმწიფო უნივერსიტეტი (აშშ), ლივერპულის უნივერსიტეტი (ინგლისი), ფრანკფურტის გოეთეს უნივერსიტეტი (გერმანია), შეფილდ-ჰალამის უნივერსიტეტი (ინგლისი), ტალინის უნივერსიტეტი (ესტონეთი), ვილნიუსის პედაგოგიური უნივერსიტეტი (ლიტვა), ლუბლიანას უნივერსიტეტი (სლოვენია). 2006 წლიდან არის ევროკავშირის ტემპუსის პროგრამის სამი საგრანტო პროექტის აკადემიური ხელმძღვანელი თბილისის სახელმწიფო უნივერსიტეტის მხრიდან. ფილოსოფიის მეცნიერებათა დოქტორი (2002), პროფესორი (2004).

სადოქტორო დისერტაციის თემა - "სოციალური მოქმედების თეორიები", დაიცვა 2002 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.549; თბილისის სახელმწიფო უნივერსიტეტი: tsu.ge; სოციალური კვლევისა და ანალიზის ინსტიტუტი: issa-georgia.com

• შიდსის რაინდები : ნარკომანია, შიდსი და თინეიჯერები (ავტორი). - თბილისი, უნივერსალი, 2008. - 190გვ.
• სოციალური მოქმედების თეორიები მოღვაწეობა / სტრუქტურა დუალიზმის შუქზე : ვებერი, პარსონსი (ავტორი). - თბილისი, თბილ. უნ-ტის გამ-ბა, 2001. - 66გვ. . - ISBN: 99928-33-35-1
• სოციალური პრაქსისის თეორიები : სიმბოლური ინტერაქციონიზმი, გიდენსის სტრუქტურაციის თეორია (ავტორი). - თბილისი, სახ. უნ-ტის გამ-ბა, 2001. - 58გვ.. - ISBN: 99928-33-23-8
• სოციალური მოქმედების თეორიები : სახელმძღვ. სოციალ. მეცნ. მაგისტრანტებისათვის (ავტორი). - თბილისი, მეცნიერება, 2001. - 229გვ.. - ISBN: 99928-891-7-9