ვახტანგ ლიჩელი

დაბადების ადგილი: ქ. ბორჯომი.

დაამთავრა თბილისის სახელმწიფო უნივერსიტეტის ისტორიიის ფაკულტეტი 1971 წელს.

თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის არქეოლოგიის ინსტიტუტის დირექტორი და ინსბრუკის უნივერსიტეტის მოწვეული პროფესორი; წლების მანძილზე ხელმძღვანელობდა მრავალ ქართულ და ქართულ–უცხოურ არქეოლოგიურ ექსპედიციას. არქეოლოგი დიდ მნიშვნელობას ანიჭებს გრაკლიანის გორაზე ბოლოდროინდელ უნიკალურ აღმოჩენას. ავტორია 3 მონოგრაფიისა და 80-მდე სამეცნიერო ნაშრომის, რომლებიც გამოქვეყნებულია საქართველოში, აზერბაიჯანში, სომხეთში, რუსეთში, პოლონეთში, საბერძნეთში, იტალიაში, ესპანეთში, ინგლისში, კანადაში, ჰოლანდიაში, გერმანიაში, საფრანგეთსა და ავსტრალიაში. მისი სამეცნიერო ინტერესების სფეროა: ინტერდისციპლინარული კვლევები არქეოლოგიაში, არქეოლოგიის თეორიისა და მეთოდოლოგიის საკითხები, ეკონომიკური ურთიერთობები და კულტურათა დიალოგი ძვ.წ. II-I ათასწლეულებში. ცნობილი ქართველი არქეოლოგი.  

საკანდიდატო დისერტაციაის თემა -  "შიდა კოლხეთის მატერიალური კულტურა ძვ.წ. III-I სს-ში", დაიცვა 1981 წელს. სადოქტორო დისერტაციის თემა - “ძველი საქართველო ელინისტური სამყაროს სისტემაში", დაიცვა 1991 წელს.

წყარო: თბილისის სახელმწიფო უნივერსიტეტი: tsu.ge; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.396

• 2021 - თბილისის სახელმწიფო უნივერსიტეტის ოქროს მედალი
• 2018 - ივანე ჯავახიშვილის სახელობის მედალი
• 2016 - წმინდა გრიგოლ ფერაძის პრემია (პოლონეთი)
• 2013 - ბრწყინვალების საპრეზიდენტო ორდენი
• 2011 - ბორჯომის საპატიო მოქალაქე

• არქეოლოგიის მართვის საკითხები (ავტორი). - თბილისი, უნივერსალი, 2013. - 124გვ.. - ISBN: 978-9941-17-914-3
• არქეოლოგიური საველე კვლევის მეთოდოლოგია : საველე და ლაბორატ. პროცედურები (ავტორი). - თბილისი, უნივერსალი, 2010. - 100გვ.. - ISBN: 978-9941-12-847-9
• ძველი ვანი : სამეურნეო უბანი (ავტორი). - თბილისი, მეცნიერება, 1991. - 110გვ.
• ჰეკატეს მისტერიები ვანში : პრეპრინტი (ავტორი). - თბილისი, 1990. - 8გვ.