ანასტასია ვირსალაძე

დაბადების ადგილი: ქ. ქუთაისი.

დაამთავრა პეტერბურგის კონსერვატორია 1909 წელს.

1921-1968წწ. პედაგოგიურ მოღვაწეობას ეწეოდა ვ. სარაჯიშვილის სახელობის თბილისის სახელმწიფო კონსერვატორიაში(1923 წლამდე თბილისის მეორე კონსერვატორიაში), 1932 წლიდან პროფესორი, მრავალი წლის მანძილზე კათედრის გამგე; 1926 წელს შემოქმედებითი მივლინებით იყო ბერლინში; ეწეოდა საკონცერტო მოღვაწეობას; იყო პიანისტთა II(1935) და III(1937) საკავშირო კონკურსების ჟიურის წევრი; კონსერვატორიასთან "ნიჭიერ ბავშვთა ჯგუფის" დაარსებიდან(1934–1938 წლიდან – ცენტრალური მუსიკალური ათწლედი) მისი პროფესორი; აღზარდა 100-ზე მეტი მოწაფე(მათ შორის დ. ბაშკიროვი, ელისო ვირსალაძე, ლ. ვლასენკო); შექმნა საფორტეპიანო სკოლა, რომლისთვისაც დამახასიათებელია სტილის ფაქიზი შეგრძნება, დახვეწილი გემოვნება, ბგერის მაღალი კულტურა; ის ავტორია მთელი რიგი მეთოდოლოგიური ხასიათის წერილებისა და მოგონებებისა მისი მასწავლებლის ა. ესიპოვას შესახებ; იყო პირველი ქართველი მუსიკოსი ქალი, რომელმაც მიიღო უმაღლესი მუსიკალური განათლება, პიანისტი და პედაგოგი, ქართული პიანისტური საშემსრულებლო და პედაგოგიური სკოლის ერთ-ერთი ფუძემდებელი, ცნობილი პიანისტის - ელისო ვირსალაძის ბებია.

წყარო: მუსიკის ენციკლოპედიური ლექსიკონი. – თბ., 2007. – გვ. 100; ქართული საბჭოთა ენციკლოპედია: ტ. 4.-თბ.,1979.-გვ. 418; მამულიშვილთა სავანე.-თბ.,1994.-გვ. 25; klasikurimusika.wordpress.com

• 1960 - საქართველოს სახალხო არტისტი