თეიმურაზ ლეჟავა

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1963 წელს. 1963-1968წწ. საკავშირო აკადემიის მოლეკულური ბიოლოგიის ინსტიტუტის და შემდგომ საკავშირო სამედიცინო აკადემიის მორფოლოგიის ინსტიტუტის ასპირანტი.

1968-1969წწ. საქართველოს ჯანდაცვის სამინისტროს ჟორდანიას სახელობის ქალის ფიზიოლოგიისა და პათოლოგიის ინსტიტუტის გენეტიკის განყოფილების უფროსი მეცნიერ-თანამშრომელი; 1969-1970წწ. თბილისის სახელმწიფო სამედიცინო ინსტიტუტის ციტოლოგიის განყოფილების უფროსი მეცნიერ-თანამშრომელი, შემდეგ - გენეტიკის განყოფილების გამგე; 1975 წლიდან თბილისის სახელმწიფო უნივერსიტეტის გენეტიკის კათედრის გამგე; 2011 წლიდან გენეტიკის ინსტიტუტის ხელმძღვანელი. ავტორია 8 სახელმძღვანელოსი და 3 მონოგრაფიის. მისი ხელმძღვანელობით მიმდინარეობს ადამიანის გენომის კვლევები ნორმასა და პათოლოგიათა შემთხვევებში, განსაკუთრებით დაბერების გენეტიკაში. საკანდიდატო დისერტაცია დაიცვა 1968 წელს; 1984 წელს სანკტ-პეტერბურგში დაიცვა სადოქტორო დისერტაცია.

წყარო: ივანე ჯავახიშვილის სახელობის თბილისის სახელმწიფო უნივერსიტეტი: tsu.ge; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.82

• 2000 - ღირსების ორდენი
• ივანე ჯავახიშვილის სახელობის მედალი, გერონტოლოგიის საერთაშორისო ასოციაციის მიერ "Sandoz Prize"-ში გერონტოლოგიის განხრით გამოქვეყნებული წარმატებული ნაშრომებისთვის

• სამედიცინო გენეტიკა მოლეკულური გენეტიკის საფუძვლებით : სახელმძღვ. (ავტორი). - თბილისი, თბილ. უნ-ტის გამ-ბა, 2011. - 600გვ.. - ISBN: 978-9941-13-170-7
• უჯრედის გენეტიკა : სახელმძღვ. ბიოლ. და მედ. სტუდ. (ავტორი). - თბილისი, თბილ. უნ-ტის გამ-ბა, 2004. - 377გვ. . - ISBN: 99940-20-63-3
• გენეტიკა და ჩვენ (ავტორი). - თბილისი, თბილ. უნ-ტის გამ-ბა, 2002. - 52გვ.. - ISBN: 99928-929-6-X
• ადამიანის გენეტიკა. ზოგადი ნაწილი : სალექციო კურსი (ავტორი). - თბილისი, თბილ. უნ-ტის გამ-ბა, 1989. - 240გვ.
• ადამიანის ქრომოსომთა კვლევის მეთოდები (ავტორი). - თბილისი, განათლება, 1973. - 134გვ.