ავთანდილ ოქროსცვარიძე

დაამთავრა თბილისის სახელმწიფო უნივერსიტეტის გეოლოგიის ფაკულტეტი 1979 წელს; თბილისის სოციალურ-ეკონომიკური ინსტიტუტის ასპირანტურა, ინჟინერ-გეოლოგის სპეციალობით 2000 წელს.

1979-1980წწ. კავკასიის მინერალური ნედლეულის ინსტიტუტის ინჟინერ-გეოლოგი; 1980-1983წწ. საქართველოს მეცნიერებათა აკადემიის ალექსანდრე ჯანელიძის სახელობის გეოლოგიის ინსტიტუტის უმცროსი, ხოლო 1983-1987წწ. უფროსი მეცნიერ-თანამშრომელი; 1989 წელს ჩეხოსლოვაკიის გეოლოგიური დეპარტამენტის და სსრკ-ს გეოლოგიის სამინისტროს სამუშაო ჯგუფის მეცნიერ-მუშაკი; 1995-1997წწ. საქართველოს ტექნიკური უნივერსიტეტის სამთო-გეოლოგიური ფაკულტეტის პეტროლოგიის კათედრა, ლექტორი; 1995-2006წწ. საქართველოს მეცნიერებათა აკადემიის ალექსანდრე ჯანელიძის სახელობის გეოლოგიის ინსტიტუტის მთავარი მეცნიერ-თანამშრომელი; 2002-2006წწ. გეოლოგიის ინსტიტუტთან არსებული სადისერტაციო საბჭოს თავმჯდომარის მოადგილე; 2005-2006წწ. ინსტიტუტის დირექტორის მოადგილე სამეცნიერო ნაწილში; 2009 წლიდან გეოლოგიის ინსტიტუტის პეტროლოგიის, მინერალოგიისა და ლითოლოგიის განყოფილების მთავარი მეცნიერ-თანამშრომელი. იკვლევს შემდეგ საკითხებს: გრანიტოიდული ქანების პეტროქიმია, გეოქიმია და გენეზისი. მანტიურ-ქერქული ურთიერთქმედება და კონტინენტური ქერქის ევოლუციის პრობლემები, ფელზურ-მაგმურ სისტემებთან დაკავშირებული ოქროს მინერალიზაციის საკითხები, გეოლოგიური მემკვიდრეობის დაცვა და ა.შ. წლების განმავლობაში მონაწილეობდა არაერთ საერთაშორისო ფორუმსა და პროექტში. 

საკანდიდატო დისერტაცია თემა - "აფხაზეთის პალეოზოური გრანიტოიდების და მიგმატიტების პეტროლოგია", დაიცვა 1987 წელს.

სადოქტორო დისერტაცია თემა - "კავკასიონის ჰერცინული გრანიტოიდული სერიები", დაიცვა 1995 წელს.

წყარო: https://www.tsu.ge/universteteli_avtorebi/biografia.php?id=582

• 2008 - ალექსანდრე ჯანელიძის სახელობის პრემია

• მანტიური პლიუმების კონცეფცია: ახალი გეოლოგიური პარადიგმა? (ავტორი). - თბილისი, "პრინტ სერვისი", 2011. - 40გვ.. - ISBN: 978-9941-0-3392-6
• კონტინენტური ქერქის ევოლუცია პროტერზოულიდან ფანეროზოულისკენ : კავკასიის შიდა მიკროფილის ძირულის აზევება (ავტორი). - თბილისი, "პრინტ სერვისი", 2010. - 122გვ.. - ISBN: 978-9941-0-2612-6