გურამ კაციტაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1958 წელს.

1958–1965წწ. მუშაობდა ბაქტერიოფაგის ინსტიტუტში; 1965–1978წწ. ჰიგიენის სამეცნიერო კვლევითი ინსტიტუტში; 1978–1991წწ. სამედიცინო პარაზიტოლოგიის სამეცნიერო კვლევითი ინსტიტუტის, ეპიდემიოლოგიის სამეცნიერო ცენტრში; 1991–1996წწ. დაავადებათა კონტროლის ეროვნულ ცენტრში; 1996 წლიდან ჯანდაცვის სამინისტროს საზოგადოებრივი ჯანდაცვის დეპარტამენტის თანამშრომელია. ავტორია 51 სამეცნიერო ნაშრომის, მისი ხელმძღვანელობით დაცულია 24 საკანდიდატო და 1 სადოქტორო დისერტაცია. არის მეცნიერების დამსახურებული მოღვაწე, ეპიდემიოლოგი, მედიცინის მეცნიერებათა დოქტორი.

საკანდიდატო დისერტაციის თემა - "მუცლის ტიფისა და დიზენტერიის ინდიკატორული ფაგების შერჩევა", დაიცვა 1973 წელს; სადოქტორო დისერტაციის თემა - "კვებითი ტოქსიკოინფექციების ზოგიერთი ზოგიერთი გამოწვევის ბიოლოგიური თავისებურებანი".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.143; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.380

• გელათის მეცნიერებათა აკადემია, წევრი

• 1999 - ღირსების ორდენი
  მოსახლეობის ჯანმრთელობის დაცვაში, ინფექციური დაავადებების სალიკვიდაციო ღონისძიებების ჩატარებაში შეტანილი პირადი დიდი წვლილისა და ჯანდაცვის სისტემის რეორიენტაციის პროცესში აქტიური და ნაყოფიერი მოღვაწეობისათვის