ევგენი ამილახვარი

ევგენი(ავთანდილ) ვახტანგის(ვასილის) ძე ამილახვარი იყო მოსკოვის ქართული ახალშენის მოღვაწე. დაიბადა საქართველოში. ვახტანგ VI–ის ემიგრაციაში წასვლის დროს წაიყვანეს რუსეთში. იმპერატორ ანა იოანეს ასულის ბრძანებულებით, 1738 წელს სხვა ქართველ თავადებთან ერთად მან მამულები მიიღო უკრაინაში. შევიდა რუსეთის სამხედრო სამსახურში, მიიღო მაიორის ჩინი. შემდეგ სამოქალაქო სამსახურშია. იყო პეტერბურგის საგუბერნიო კანცელარიაში გუბერნატორის თანაშემწე, 1753 წლიდან მსაჯული, შემდეგ სამოქალაქო სასამართლოს პრეზიდენტი. განსაკუთრებული წვლილი შეჰქონდა მოსკოვის ქართული ახალშენის საქმიანობაში, რუსეთ–საქართველოს ურთიერთობის განვითარებაში.

წყარო: საქართველო: ენციკლოპედია: ტ.I.–თბ., 1997.–გვ.129