მიხეილ ამირაჯიბი

მიხეილ ქაიხოსროს ძე ამირაჯიბი იყო რუსეთის არმიის გენერალ-ლეიტენანტი(1899). სამხედრო სამსახური დაიწყო თბილისის გრენადერთა პოლკში რიგით ჯარისკაცად(1851). ყირიმის(1853-1856) დროს კავკასიის ფრონტზე ოსმალეთის წინაღმდეგ იბრძოდა  ბაიანდურთან, ბაშკადიკლართან და ყარსთან. 1877 წელს მიხეილ ამირაჯიბი დაინიშნა ელიზავეტპოლის(ახლანდელი განჯა) 156-ე პოლკის მეთაურად. მან თავი გამოიჩინა  რუსეთ–ოსმალეთის(1877–1878) ომის დროს, კერძოდ დევე–ბოინუსთან ბრძოლაში, იერიშით აიღო გელიავერდის სიმაღლეები, რამაც განაპირობა არდაჰანის დაცემა. 1877 ამირაჯიბმა გენერალ-მაიორის ჩინი მიიღო. 1893 წელს იგი 39-ე ქვეითი დივიზიის უფროსად დაინიშნა, 1899 წლიდან, გენერალ-ლეიტენანტის ჩინით–კავკასიის I საარმიო კორპუსის მეთაური იყო. ამირაჯიბი დაჯილდოებული იყო მრავალი საბრძოლო ორდენითა და მედლით.

წყარო: საქართველო: ენციკლოპედია: ტ.I.–თბ., 1997.–გვ.133