იური დევდარიანი

დაბადების ადგილი: ქ. ვოლოგდა, რუსეთი.

დაამთავრა ლენინგრადის წყლის ტრანსპორტის ინჟინერთა ინსტიტუტი 1930 წელს.

1930-1947წწ. მუშაობდა თბილისში "ჰიდროენერგოპროექტში" ჯგუფის ხელმძღავანელად, პროექტის მთავარ ინჟინრად; მონაწილეობა აქვს მიღებული მრავალი საკვანძო საკითხის გადაჭრაში ალაზნის, ჭანისწყალის, გიუმუშის, ხრამი, გუმათის, ქლუხორის და სხვა ჰესების დაგეგმარებაში; 1947 წლიდან საქართველოს მეცნიერებათა აკადემიის ენერგეტიკის ინსტიტუტში მუშაობს, რომელიც 1971 წელს, რეორგანიზაციის შედეგად  თბილისის მეცნიერებათა აკადემიის ა. დიდებულიძის სახელობის ენერგეტიკისა და ჰიდროტექნიკურ ნაგებობათა სამეცნიერო–კვლევით ინსტიტუტად ჩამოყალიბდა: 1979-1986წწ. სექტორის გამგე; 1986-1989წწ. წამყვანი მეცნიერ თანამშრომელი; მისი შრომები ეხება უმთავრესად ენერგოსისტემების განვითარების საკითხებს; ავტორია 50-ზე მეტი გამოქვეყნებული სამეცნიერო გამოკვლევის. სამეცნიერო მუშაობისათვის მომზადებული ყავს 6 ასპირანტი და ხარისხის მაძიებელი. ჰიდროტექნიკოსი, ტექნიკურ მეცნიერებათა დოქტორი (1960), პროფესორი (1965). 

წყარო: საქართველო: ენციკლოპედია: ტ.2. – თბ., 2012. – გვ.355; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 103-104

• შრომის წითელი დროშის ორდენი