გენრი დეკანოსიძე

დაბადების ადგილი: ქ. გორი.

დაამთავრა თბილისის სახელმწიფო სამედიცინო ინსტიტუტის ფარმაცევტული ფაკულტეტი ფარმაცევტის სპეციალობით 1959 წელს.

1959-1963წწ. იყო ცხინვალის N1 აფთიაქის მმართველის მოადგილე; 1963 წლიდან ი. ქუთათელაძის სახელობის ფარმაკოქიმიის ინსტიტუტის ტრიტერპენული შენაერთების ლაბორატორიის მეცნიერ თანამშრომელი; 1983 წლიდან ამავე ლაბორატორიის გამგე; შექმნა ბრონქოსპაზმოლიზური პრეპარატი "კავსურონი" და ერთ–ერთი პირველი მცენარეული არასტეროიდული ანტირევმატიული პრეპარატი "ფაციფლოგინი"; არის მრავალი სამეცნიერო შრომის, მათ შორის სამი მონოგრაფიის ავტორი; ფარმაკოქიმიკოსი, მედიცინის მეცნიერებათა დოქტორი (2003).

წყარო: საქართველო: ენციკლოპედია: ტ.2. – თბ., 2012. – გვ.361; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.178; თსსუ იოველ ქუთათელაძის ფარმაკოქიმიის ინსტიტუტი: geokip.net

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1960-2001 წლებში შესრულებულ შრომათა ციკლისათვის - "ბიოლოგიურად აქტიურ მცენარეულ ნივთიერებათა შესწავლა და ახალი სამკურნალო პრეპარატები"

• წამალთმცოდნის მეცნიერული მოსაზრებანი, ანუ ვინ არის სოკრატ სალუქვაძე (შემდგენელი). - თბილისი, 2009. - 568 გვ.