ნათელა ქუთელია

დაბადების ადგილი: ქ. სოჭი.

დაამთავრა თბილისის სახელმწიფო უნივერსიტეტის დასავლეთ ევროპის ფაკულტეტი ინგლისური ენის სპეციალობით 1951 წელს; ასპირანტურა ზოგადი ენათმეცნიერების სპეციალობით 1954 წელს.

1954 წლიდან ეწეოდა სამეცნიერო მოღვაწეობას: კითხულობდა ლექციებს უნივერსიტეტში ზოგადი ენათმეცნიერების მიმართულებით; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა - თავისუფალი საქართველო", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); ფილოლოგიის მეცნიერებათა დოქტორი, პროფესორი. 2 მონოგრაფიის, 3 წიგნისა და მრავალი სამეცნიერო სტატიის ავტორია.

საკანდიდატო დისერტაციის თემა - "ჰარმონიულ ხშულთა ორი სისტემა ქართულ ენაში (ექსპერიმენტალური გამოკვლევა)", დაიცვა 1955 წელს; სადოქტორო დისერტაციის თემა - "ლაზურის ფონემატური სტრუქტურა, სეგმენტური ფონემები და ფონემათა ჯგუფები: პარადიგმატიკა და სინტაგმატიკა", დაიცვა 1986 წელს. 

წყარო: თბილისის სახელმწიფო უნივერსიტეტი: tsu.ge; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/ კობა ამირხანაშვილი.- თბ.-2015.-გვ.342

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• ქართველოლოგიური კვლევები : შრომების კრებული (ავტორი). - თბილისი, უნივერსალი, 2012. - 200გვ.. - ISBN: 978-9941-17-740-8
• ლაზურის ფონემატური სტრუქტურა (ავტორი). - თბილისი, თბილ. უნ-ტის გამ-ბა, 2005. - 563გვ.. - ISBN: 99940-20-61-7
• ლაზური პარამითეფე (შემდგენელი). - თბილისი, საქ. სსრ მეცნ. აკად. , 1982. - 103გვ.