ქუცნა ამირეჯიბი

ქუცნა ამირეჯიბი იყო ქართლის დიდი ფეოდალი XIV-XV საუკუნეების მიჯნაზე. პოლიტიკური მოღვაწე, დიპლომატი,  ამირეჯიბთა საგვარეულოს ფუძემდებელი. რამდენიმეჯერ იყო წარგზავნილი საქართველოს მეფის ელჩად კონსტანტინეპოლს. თემურ–ლენგის ლაშქრობათა შემდეგ აღდგენითი სამუშაოები წამოიწყო. კერძოდ, განაახლა ულუმბისა და ნაბახტევის ეკლესიები(სოფელ ალის მახლობლად, ახლანდელი ხაშურის რაიონი). ამირეჯიბი გამოხატულია ნაბახტევის ეკლესიის კედელზე თავის მეუღლე რუსა ამირეჯიბთან ერთად. ქუცნა ამირეჯიბის ასული ნათია ცოლად ჰყავდა საქართველოს მეფე კონსტანტინე I–ს.

წყარო: საქართველო: ენციკლოპედია: ტ.I.–თბ., 1997.–გვ.135