ელიზბარ ანანიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი 1934 წელს.

ცხოვრობდა და მოღვაწეობდა მოსკოვში. 1941–1944 წლებში თბილისში გამოაქვეყნა პოეტური და პროზაული თარგმანები. 1944–1947 წლებში მუშაობდა გამომცემლობა "მოლოდაია გვარდიაში" რედაქტორად. რუსულ ენაზე თარგმნა მ. ჯავახიშვილის "ქალის ტვირთი", "გივი შადური", "თეთრი საყელო", კ. გამსახურდიას "დავით აღმაშენებელი", გ. ლეონიძის "ნატვრის ხე", ლ. ქიაჩელის "მთის კაცი", დ. ჭონქაძის "სურამის ციხე", ლ. გოთუას "ნისლი ნახატარის ტყეში", რ. ჯაფარიძის "ხევის პატარძალი". ა. სულაკაურის "ტალღები ნაპირისკენ მიისწრაფიან", ე. ყიფიანის, ლ. მრელაშვილის ნაწარმოებები, ქართველ პოეტთა ლექსები.

წყარო: საქართველო: ენციკლოპედია: ტ.I.–თბ., 1997.–გვ.143

• 1980 - ივანე მაჩაბლის სახელობის პრემია
• 1973 - საქართველოს კულტურის დამსახურებული მუშაკი