ზაქარია ანდრონიკაშვილი

ზაქარია თამაზის ძე ანდრონიკაშვილი(დაახლოებით 1740–1800) იყო ქართლ–კახეთის პოლიტიკური და სამხედრო მოღვაწე.

თამაზ ანდრონიკაშვილის ვაჟი. სიმამაცის გამო ცნობილი იყო "მიწის მგლის" მეტსახელით. ახალგაზრდა ზაქარია ერეკლე II–მ პირად რაზმში ჩარიცხა. 1756 წელს ზაქარია ანდრონიკაშვილმა თავი გამოიჩინა ლეკთა ბრბოებთან ბრძოლაში სოფელ კარალეთსა  და სკრასთან. შემდეგ იმყოფებოდა სამეფო კარზე. მეფის ასულ ელენესთან გამიჯნურების გამო ერეკლე II–მ რუსეთში გააძევა. თავისი ქალი კი იმერეთის მეფე სოლომონ I–ძმას, ბატონიშვილ არჩილს მიათხოვა. ელენეს დაქვრივების შემდეგ(1771) ანდრონიკაშვილი დაბრუნდა რუსეთიდან და დაქორწინდა მასზე. 1780 წელს დანიშნეს ქიზიყის მოურავად. სიცოცხლის ბოლო წლებში, ერეკლე II-ის დავალებით იბრძოდა იმერეთში თავისი გერის დავით არჩილის ძის(შემდეგში სოლომონ II) გასამეფებლად. 1795 თავი ისახელა კრწანისის ბრძოლაში.

წყარო: საქართველო: ენციკლოპედია: ტ.I.–თბ., 1997.–გვ.151