ივანე ანდრონიკაშვილი

დაბადების ადგილი: სოფელი მელაანი, სიღნაღის მაზრა (ახლანდელი გურჯაანის რაიონი).

დაამთავრა მოსკოვის პეტროვსკის სამიწათმოქმედო და სატყეო აკადემია (ახლანდელი ტიმირიაზევის სახელობის სასოფლო-სამეურნეო აკადემია) 1887 წელს.

1889-1902 წლებში მუშაობდა კავკასიის საფილოქსერო კომიტეტის მთავარ ექსპერტად და ხელმძღვანელობდა ფილოქსერის საწინააღმდეგო ექსპედიციებს საქართველოსა და ჩრდილოეთ კავკასიაში. აგრონომიის ცოდნის პოპულარიზაციის მიზნით აწყობდა საჩვენებელ ნაკვეთებს, ცდიდა ახალ სასოფლო-სამეურნეო მანქანა-იარაღებსა და სხვ. 1902-1916 წლებში იყო ბათუმის ქალაქის თავი. მისი რედაქტორობით გამოდიოდა სამეცნიერო-პოპულარული ჟურნალი "ვაზი და ღვინო". 1921 წელს ივანე ანდრონიკაშვილის ინიციატივით დაარსდა ჟურნალი "სოფლის მეურნე", რომელსაც თვითონ რედაქტორობდა. 1923 წელს მოსკოვში სრულიად რუსეთის პირველ სასოფლო - სამეურნეო და კუსტარულ - სამრეწველო გამოფენაზე ხელმძღვანელობდა, ხოლო 1939 წელს საკავშირო სასოფლო - სამეურნეო გამოფენაზე კონსულტაციას უწევდა საქართველოს პავილიონის მოწყობას. ბათუმის ქალაქის თავი, აგრონომი.

წყარო: საქართველო: ენციკლოპედია: ტ.I.–თბ., 1997.–გვ.151; nobility.pro