დემნა უფლისწული

საქართველოს მეფის დავით V-ის ძე; დავით V-ის გარდაცვალების შემდეგ მამამისმა დემეტრე I–მა თავისი უმცროსი ვაჟი გიორგი(შემდეგ გიორგი III) გამოაცხადა თანამოსაყდრედ, რითაც დემნა(დემეტრე) უფლისწულმა ტახტზე უფლება დაკარგა; დემნა უფლისწულის კანონიერი უფლების დაცვის საბაბით მეფის ცენტრალური ხელისუფლების გაძლიერების მოწინააღმდეგე დიდგვაროვანმა ფეოდალებმა ამირსპასალარ ივანე ორბელის(დემნა უფლისწულის სიმამრი) მეთაურობით 1177 წელს აჯანყება მოაწყვეს გიორგი III-ის წინააღმდეგ; როდესაც აჯანყების დამარცხება ცხადი გახდა დემნა უფლისწული გიორგი III-ს დანებდა და პატიება სთხოვა; ტახტის მაძიებელ უფლისწულთა მიმართ მოქმედი კანონის საფუძველზე მას თვალები დათხარეს და დაასაჭურისეს; ჩანს, უფლისწულმა ვერ გაუძლო სასჯელს და გარდაიცვალა.

წყარო: საქართველო: ენციკლოპედია: ტ.2. – თბ., 2012. – გვ.376