ალა დვალი

დაბადების ადგილი: ქ. თბილისი.

დაამთავრა თბილისის სახელმწიფო ქორეოგრაფიული სტუდია 1949 წელს.

1949-1973წწ. იყო თბილისის ზ. ფალიაშვილის სახელობის სახელმწიფო აკადემიური თეატრის მოცეკვავე; 1955 წელს მონაწილეობდა მსოფლიო ახალგაზრდობის ვარშავის ფესტივალში; 1956 წელს ვ. გუნაშვილთან ერთად იგი სსრკ წამყვანი თეატრების ბალეტის სოლისტთა ნაკრების შემადგენლობაში ჩაირიცხა და მონაწილეობდა ისლანდიასა და დანიაში გამართულ საგასტროლო ტურნეში თბილისის ოპერისა და ბალეტის თეატრის საბალეტო ჯგუფთან ერთად; გასტროლებზე იყო ასევე საზღვარგარეთის მრავალ ქვეყანაში (სკანდინავია, საფრანგეთი,ავსტრია); წარმატებით ასრულებდა ქართულ ცეკვებს ეროვნულ ოპერებში – ზ. ფალიაშვილის "დაისი", "აბესალომ და ეთერი", შ. მშველიძის "დიდოსტატის მარჯვენა", დ. არაყიშვილის "თქმულება შოთა რუსთაველზე"; განსაკუთრებული აღიარება მოუტანა ცეკვა "ქართულმა" (მისი უცვლელი პარტნიორი იყო საქართველოს სახალხო არტისტი ვ. გუნაშვილი); არაერთი საინტერესო სახე შექმნა ბალეტებში: "გედების ტბა", "ლაურენსია", "მთების გული", "ოტელო", "გორდა".

წყარო: საქართველო: ენციკლოპედია: ტ.2. – თბ., 2012. – გვ.390

• 1961 - საქართველოს დამსახურებული არტისტი