დავით დვალი

დაბადების ადგილი: სოფელი საბუე, ყვარლის რაიონი.

დაამთავრა საქართველოს პოლიტექნიკური ინსტიტუტის კავშირგაბმულობისა და ელექტრონიკის ფაკულტეტი, სამრეწველო ელექტრონიკის სპეციალობით 1972 წელს.

1975 წლიდან მუშაობს საქართველოს პოლიტექნიკურ ინსტიტუტში სამრეწველო ელექტრონიკის კათედრაზე; პედაგოგიურ მოღვაწეობასთან ერთად ეწევა სამეცნიერო–კვლევით საქმიანობას; 1987 წელს ჩამოაყალიბა ელექტრონული ტექნიკის სამეცნიერო–კვლევითი ლაბორატორია; არის მრავალი დანერგილი პროექტის ავტორი; კვლევის თემაა – შეუფერხებელი და ხარისხიანი ელექტროკვების ტექნოლოგიები; 1994-1997წწ. ჩაატარა სამუშაოები ტექნიკური ელექტრონიკის კათედრის ლაბორატორიული ბაზის მოდერნიზაციისა და ტექნიკური გადაიარაღების მიმართულებით; ელექტროტექნიკოსი, ტექნიკურ მეცნიერებათა დოქტორი (1994), პროფესორი (1995).

წყარო: საქართველო: ენციკლოპედია: ტ.2. – თბ., 2012. – გვ.391; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 104-105