ქეთევან ანდრონიკაშვილი

ქეთევან პაპუნას ასული ანდრონიკაშვილი იყო გიორგი ბატონიშვილის(შემდგომში გიორგი XII) პირველი მეუღლე.

1778 წლის ოქტომბერში შიდა ქართლიდან თბილისში მიმავალ ქეთევან ანდრონიკაშვილს ღართისკართან დაუხვდა ხუთასამდე ლეკი. ქეთევანს თან ახლდა სამასამდე ცხენოსანი–მორიგე ჯარის რაზმი. გულადმა ქალმა თვითონ იკისრა მცველთა მეთაურობა და სასტიკად დაამარცხა ლეკთა მოთარეშე რაზმი. ერეკლე II ამალით შეეგება თავის რძალს და პატივის ნიშნად აღლუმი გაუმართა. იგი მონაწილეობას იღებდა ქვეყნის პოლიტიკურ ცხოვრებაშიც.

წყარო: საქართველო: ენციკლოპედია: ტ.I.–თბ., 1997.–გვ.153