ქეთევან ანდრონიკაშვილი

დაბადების ადგილი: ქ. ყვარელი.

დაამთავრა თელავის წმინდა ნინოს სასწავლებელი.

1880–1883 წლებში მონაწილეობდა თელავის სცენისმოყვარეთა წარომდგენებში. 1883–1893 წლებში იყო 1879 წელს განახლებული თბილისის ქართული პროფესიული თეატრის მსახიობი. 1892–1917 წლებში ცხოვრობდა და მოღვაწეობდა ბაქოში, სადაც გამოდიოდა საქველმოქმედო მიზნით გამართულ წარმოდგენებში. მნიშვნელოვანი წვლილი შეიტანა ბაქოს ქართული თეატრის დაარსებაში. 1917 წელს იგი თბილისში გადმოვიდა, ხელმძღვანელობდა მუშათა დრამატულ კოლექტივებს. სხვადასხვა დროს იყო ქუთაისის, ბათუმის, ველისციხის თეატრების წამყვანი მსახიობი. შესრულებული აქვს დრამატული და სახასიათო როლები: თამარი, სალომე(ა. წერეთლის "თამარ ცბიერი", "კინტო"), ქეთევანი(დ. ერისთავის "სამშობლო"), მარინე(ვ. გუნიას "და–ძმა"), მამიდა(ტ. რამიშვილის "სტუმარ–მასპინძელი"), ხანუმა(ა. ცაგარელის "ხანუმა"), კრუჩინინა(ა. ოსტროვსკის "უდანაშაულო დამნაშავენი") და სხვ. ქეთევან ანდრონიკაშვილი იყო ცეკვა "ქართულის" ცნობილი შემსრულებელი. 1922 წელს თბილისში გახსნა ქართული ხალხური ცეკვის პირველი სტუდია. 1925–1940 წლებში იყო საქართველოს კინოსტუდიის მსახიობი.

წყარო: საქართველო: ენციკლოპედია: ტ.I.–თბ., 1997.–გვ.153; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.163

• 1933 - საქართველოს დამსახურებული არტისტი