აკაკი დვალიშვილი

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის ელექტროტექნიკური ფაკულტეტი 1944 წელს; შოთა რუსთაველის სახელობის თეატრალური ინსტიტუტის სარეჟისორო ფაკულტეტი.

1949 წელს დაინიშნა შოთა რუსთაველის სახელობის თეატრში რეჟისორის ასისტენტად; 1959 წელს კ. მარჯანიშვილის სახელობის აკადემიური თეატრის დირექტორად; 1961 წელს იყო კულტურის მინისტრის პირველი მოადგილე, პარალელურად 1967 წელს ასრულებდა კ. მარჯანიშვილის სახელობის აკადემიური თეატრის და 1973 წელს ზ. ფალიაშვილის სახელობის ოპერისა და ბალეტის თეატრის დირექტორის მოვალეობას; მისი ინიციატივით შეიქმნა საქართველოს შოთა რუსთაველის სახელობის სახელმწიფო თეატრალურ ინსტიტუტში კინოსარეჟისორო ფაკულტეტი, დაარსდა კინომსახიობთა თეატრსტუდია, ჟურნალი "ალმახანი"; მის მიერ დადგმულ სპექტაკლთა შორის აღსანიშნავია: ი. ჭავჭანიძის "თბილისელი ქალიშვილი" (1951), ნ. გოგოლის "ბანქოს მოთამაშენი" (1952), ს. კლდიაშვილის "დღესასწაული საკრაულაში" (1953), ვ. კანდელაკის "სარეველა" (1953), მ. ჯაფარიძის "ჩვენებურები" (1956); 1955 წელს მიენიჭა დამდგმელი რეჟისორის პირველი კატეგორია, მიღებული აქვს სახელმწიფო ჯილდოები. თეატრალური და საზოგადო მოღვაწე.

წყარო: საქართველო: ენციკლოპედია: ტ.2. – თბ., 2012. – გვ.392; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.40

• კინემატოგრაფიის სახელმწიფო კომიტეტი, თავმჯდომარე (1973-1990)
• სარეჟისორო კოლეგია, თავმჯდომარე (1959-)
• საქართველოს კინემატოგრაფისტთა შემოქმედებითი კავშირი, წევრი

• 1997 - ღირსების ორდენი
• 1958 - საქართველოს ხელოვნების დამსახურებული მოღვაწე