მიხეილ კვალიაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1924 წელს (ვოკალის განხრით).

1925–1926წწ. მუშაობდა ვ. სარაჯიშვილის სახელობის თბილისის სახელმწიფო კონსერვატორიის საოპერო სტუდიაში; 1926 წლიდან იყო ზ. ფალიაშვილის სახელობის თბილისის ოპერისა და ბალეტის თეატრის რეჟისორი; დადგმული აქვს: ზ. ფალიაშვილის "აბესალომ და ეთერი", პ. ჩაიკოვსკის "იოლანტა", "მაზეპა", "პიკის ქალი", ბოროდინის "თავადი იგორი", როსინის "სევილიელი დალაქი", პუჩინის "ბოჰემა"; 1939–1940წწ. მუშაობდა სსრკ მოსკოვის დიდ თეატრში; მონაწილეობა მიიღო ზ. ფალიაშვილის "აბესალომ და ეთერის" დიდი თეატრის სცენაზე დადგმაში; ავტორია მემუარების ორი წიგნისა (რუსულ ენაზე, I-1969, II–1975), რომლებიც ბევრ საინტერესო მასალას შეიცავს.

წყარო: მუსიკის ენციკლოპედიური ლექსიკონი. – თბ., 2007. – გვ. 135

• 1943 - საქართველოს ხელოვნების დამსახურებული მოღვაწე