ლილე კილაძე

დაბადების ადგილი: ქ. თბილისი.

სწავლობდა მოსკოვში 1945–1950წწ.(ჩელოს კლასში), 1950–1955წწ.(სადირიჟორო კლასში).

1954–1957წწ. მუშაობდა ქ. სარატოვის ოპერისა და ფილარმონიის სიმფონიური ორკესტრის დირიჟორად; 1959 წლიდან საქართველოს ტელერადიოს ორკესტრის სამხატვრო ხელმძღვანელი და მთავარი დირიჟორი იყო; სისტემატურად მართავდა კონცერტებს; პროპაგანდას უწევდა ქართულ მუსიკას; მისი, როგორც დირიჟორის დიდი დამსახურებაა, რომ ქართველი მსმენელი ეზიარა მსოფლიო უნიკალური ხელოვნების არაერთ ნიმუშს, ქართველ, მათ შორის ახალგაზრდა კომპოზიტორთა ნაწარმოებებს; იყო ქართველი კომპოზიტორების – შ. მშველიძის, რ. გაბიჩვაძის, ს. ნასიძის, ს. ცინცაძის, ო. თაქთაქიშვილის ნაწარმოებების პირველი შემსრულებელი; მისი დირიჟორობით საქართველოში პირველად შესრულდა ჰაიდნის ორატორია "წელიწადის დრონი", ბრუკნერის მე–6 სიმფონია, ჰინდემითის სიმფონია "მხატვარი მატისი"; გარდაიცვალა კონსერვატორიის დიდ საკონცერტო დარბაზში, ორკესტრის საფინალო აკორდისთანავე; 1979 წელს(სიკვდილის შემდეგ) მიენიჭა ზ. ფალიაშვილის სახელობის პრემია.

წყარო: მუსიკის ენციკლოპედიური ლექსიკონი. – თბ., 2007. – გვ. 138

• 1979 - ზაქარია ფალიაშვილის სახელობის პრემია
• 1977 - საქართველოს სახალხო არტისტი