ალექსანდრე როინაშვილი

დაბადების ადგილი: ქ. დუშეთი.

50–იანი წლებიდან ცხოვრობდა თბილისში, სადაც მხატვარ ვ. ხლამოვის ხელმძრვანელობით ეუფლებოდა მხატვრობასა და ფოტოგრაფიას. 1865 წელს თბილისში გახსნა ფოტოგრაფიული სტუდია "რემბრანდტი". 1887–1888 წლებში ასტრახანში, მოსკოვსა და პეტერბურგში მოაწყო ეროვნული მოძრავი გამოფენა. გადაიღო ქართველ ლიტერატორთა და ხელოვნების გამოჩენილ მოღვაწეთა (ი. ჭავჭავაძე, ა. წერეთელი, ა. ყაზბეგი, ნ. ნიკოლაძე, ი. გოგებაშვილი, გ. გურიელი და სხვ.) სურათები. შექმნა შოთა რუსთაველის პორტრეტის ფოტორეპროდუქცია. ალექსანდრე როინაშვილის შემოქმედების ძირითადი თემა ქართველი ხალხის ყოფა–ცხოვრების ასახვა იყო. მან თავისი ფოტოსურათების მდიდარი კოლექცია და მთელი ქონება ქართველთა შორის წერა–კითხვის გამავრცელებელ საზოგადოებას უანდერძა. პირველი ქართველი ფოტოგრაფი.

წყარო: ქართული საბჭოთა ენციკლოპედია: ტ.9.–თბ.,1984.–გვ.423