გრიგოლ ბურჭულაძე

დაბადების ადგილი: სოფელი ზედა გომი, ოზურგეთის რაიონი.

დაამთავრა ოზურგეთის საქალაქო სასწავლებელი 1879 წელს, 1886 წელს დაამთავრა თბილისის სამასწავლებლო ინსტიტუტი.

1881 წელს ოზურგეთის საქალაქო სასწავლებლის მოსამზადებელი განყოფილების ხელმძღვანელად მიიწვიეს; 1887 წელს დანიშნეს თელავის საქალაქო სასწავლებელში მოსამზადებელი განყოფილების მასწავლებლად; 1889 წელს თელავიდან ზაქათალის საქალაქო სასწავლებელში გადაიყვანეს; 1891 წელს ახალციხის საქალაქო სასწავლებელში გადაიყვანეს; ამავე წელს ახალციხის საქველმოქმედო საზოგადოებამ მდივნად აირჩია; 1896 წელს მისი თაოსნობით ახალციხის ქართველმა საზოგადოებამ დაიწყო სკოლისათვის შენობის აგება. მან ახალციხის ქართველობას მდიდარი სამკითხველი-წიგნსაცავი დაუტოვა; 1901 წლიდან ერევნის საქალაქო სასწავლებელში მუშაობდა; 1906 წელს გადავიდა ხონის სამასწავლებლო სემინარიაში მათემატიკის მასწავლებლად; 1911 წელს ხონის სამასწავლებლო სემინარიიდან გაანთავისუფლეს და იგი თბილისში გადავიდა საცხოვრებლად. 1914 წლიდან სკოლებისა და ბიბლიოთეკების ხელმძღვანელ-მეთვალყურეობა მიანდო; 1925-1933წწ. მუშაობდა თბილისის რკინიგზის მე-9 სკოლის გამგედ; 1933 წელს დანიშნეს თბილისის რკინიგზის სკოლის ინტერნატში აღმზრდელ-მასწავლებლად; 1937 წელს ხანდაზმულმა პედაგოგმა თავი დაანება პრაქტიკულ პედაგოგიურ მოღვაწეობას.

წყარო: nateba.websail.net

• ქართველთა შორის წერა-კითხვის გამავრცელებელი საზოგადოება , საქმეთა მწარმოებელი და მდივანი