ბადრი მაისურაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1989 წელს(ვოკალური).

თავდაპირველად სწავლობდა შ. რუსთაველის სახელობის თბილისის თეატრალურ ინსტიტუტში სამსახიობო ფაკულტეტზე; ერთხანს მუშაობდა კინომსახიობის თეატრში(ხელმძღვანელი პროფესორი მ. თუმანიშვილი), გადაღებულია რამდენიმე მხატვრულ ფილმში("ნეილონის ნაძვის ხე", "ახალი წელი", "პირველი სიყვარული"); 1989 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტია; 1993 წლიდან მონაწილეობდა ბათუმის საოპერო თეატრის საპრემიერო სპექტაკლში(აბესალომის პარტია, ზ. ფალიაშვილის "აბესალომ და ეთერი"); 1994 წელს გახდა ფ. ვენიასის(ბარსელონა) და ი. ბიორლინგის(სტოკჰოლმი) საერთაშორისო კონკურსების ლაურეატი; ამავე წლიდა მოსკოვის "დიდი თეატრის" სოლისტია, აქ შეასრულა მთავარი პარტიები ოპერებში: დონიცეტის "ლუჩია დი ლამერმური", ვერდის "ტრავიატა", "აიდა", "ბალ–მასკარადი", "ბედისწერის ძალა", ბელინის "ნორმა", ჩილეას "ადრიენა ლეკუვრერი", პუჩინის "ტოსკა"; 1993 წელს შედგა მისი საერთაშორისო დებიუტი ლიეჟის(ბელგია) თეატრში, სადაც შეასრულა გრიგორის პარტია მუსორგსკის "ბორის გოდუნოვში; 1999 წელს პირველად გამოვიდა მილანის "ლა–სკალას" სცენაზე(ანდრეის პარტია პ. ჩაიკოვსკის "მაზეპა"); გამოდის მსოფლიოს მრავალი ცნობილი თეატრის სცენაზე; თანამშრომლობს გამოჩენილ მუსიკოსებთან(მ. როსტროპოვიჩი, ვ. გერგიევი, რ. მუტი, ს. ოზავა); რეპერტუარში აქვს კამერულ–ვოკალური ნაწარმოებები, ასრულებს ტენორის პარტიას ბეთჰოვენის მე–9 სიმფონიაში, ვერდის "რეკვიემში", ბრიტენის "სამხედრო რეკვიემში"; დიდ წარმატებას მიაღწია ავსტრალიაში, ახალ ზელანდიაში, კანადაში, ირლანდიაში, სამხრეთ აფრიკაში; თანამშრომლობს ევროპის ცნობილ საოპერო დასებთან: Deutche Opera(ბერლინი), Real Opera(მადრიდი), San Carlo(ნეაპოლი). არის ი. ბიორლინგის საერთშორისო კონკურსის (სტოკჰოლმი, 1994) და ფ. ვენიასის სახელობის საერთაშორისო კონკურსის (ბარსელონა, 1994) გამარჯვებული. დრამატული ტენორი.

წყარო: მუსიკის ენციკლოპედიური ლექსიკონი. – თბ., 2007. – გვ. 161; საქართველო: ენციკლოპედია: ტ.5. -თბ.,2023. -გვ.466-467