გრიშა ლაღიძე

დაბადების ადგილი: სოფელი ობჩა, ბაღდათის რაიონი.

1923–1925 წლებში სწავლობდა თბილისის სახელმწიფო კონსერვატორიის დრამატულ ფაკულტეტზე.

1925 წელს ჩაირიცხა შოთა რუსთაველის სახელმწიფო აკადემიურ თეატრში მსახიობად. 1926–1928 წლებში იყო ბათუმის, 1928–1929 წლებში კი თბილისის სატირის თეატრის მსახიობი. შემდეგ სწავლა განაგრძო მოსკოვის "სათეატრო კომბინატის" სარეჟისორო განყოფილებაზე. 1932 წელს დაბრუნდა საქართველოში. მუშაობდა სხვადასხვა თეატრებში მსახიობად და რეჟისორად. შესრულებული აქვს შემდეგი როლები: ლევან ხიმშიაშვილი(დ. ერისთავის "სამშობლო"), ბეგლარი(კ. კალაძის "როგორ?"). დადგმული აქვს სპექტაკლები: პ. კაკაბაძის "კოლმეურნის ქორწინება", ფ. შილერის "ვერაგობა და სიყვარული", ლ. გოთუას "სამსახიობა რაინდისა"(კ. მარჯანიშვილის სახელობის სახელმწიფო აკადემიური თეატრი). 

წყარო: ქსე: ტ.6.–თბ.,1983.–გვ.146; საქართველო: ენციკლოპედია: ტ.5. -თბ.,2023. -გვ.303

• 1941 - საქართველოს ხელოვნების დამსახურებული მოღვაწე