მირზა ფათალი ახუნდოვი

დაბადების ადგილი: ქ. შაქი (ნუქა), აზერბაიჯანი.

მიღებული ჰქონდა ტრადიციული სპარსულ-არაბული განათლება. 1834 წლიდან საცხოვრებლად სამუდამოდ გადმოვიდა თბილისში, მუშაობდა თბილისში, მეფისნაცვლის კანცელარიაში, აღმოსავლური ენებიდან მთარგმნელის თანამდებობაზე. ამ მოვალეობას იგი გარდაცვალებამდე ასრულებდა, პარალელურად პედაგოგიურ მოღვაწეობას ეწეოდა თბილისის სამაზრო სასწავლებელში, ასწავლიდა თურქულ და სპარსულ ენებს. ახუნდოვის მოღვაწეობამ დიდი როლი შეასრულა აზერბაიჯანულ და ახლო აღმოსავლეთის ლიტერატურისა და საზოგადოებრივი აზრის განვითარებაში. მისი ნაწარმოებები თარგმნილია მრავალ ენაზე. ქართულად ახუნდოვის კომედია ("ლენქორანის ხანის ვეზირი") პირველად თარგმნა აკაკი წერეთელმა "ხანის ვეზირის" სახელწოდებით (დაიბეჭდა 1898 წელს "კრებულში", № 7 და იმავე წელს წარმოადგინეს ქართულ სცენაზე). მიღებული აქვს სახელმწიფო ჯილდოები, მათ შორის : ლომისა და მზის III ხარისხის ორდენი ალმასებით მორთული (სპარსეთი, 1846), ლომისა და მზის II ხარისხის ორდენი ვარსკვლავით (სპარსეთი, 1868), IV ხარისხის მეჯიდიე (ოსმალეთი). მწერალი-განმანათლებელი, ფილოსოფოსი, აზერბაიჯანული დრამატურგიის ფუძემდებელი.

წყარო: საქართველო : ენციკლოპედია: ტ.1.-თბ., 1997.-გვ.307; განმანათლებლობა საქართველოში - იდეები და მოღვაწეების პორტალი: nateba.webbreeze.net

• რუსეთის საიმპერატორო გეოგრაფიული საზოგადოება, წევრი

• 1859 - წმინდა ანას III ხარისხის ორდენი
• 1856 - წმინდა სტანისლავის III ხარისხის ორდენი
• წმინდა სტანისლავის II ხარისხის ორდენი

• თხზულებანი (ავტორი). - თბილისი, საბჭ. საქართველო, 1984. - 123გვ.
• პუშკინის გარდაცვალებაზე : პოემა (ავტორი). - თბილისი, ფედერაცია-ს გამომცემლობა და სტამბა, 1938. - 50გვ.