დიმიტრი მჭედლიძე

დაბადების ადგილი: სოფელი სვირი, ზესტაფონის რაიონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1925 წელს, ლენინგრადი სახელმწიფო კონსერვატორია 1932 წელს.

1927–1932წწ. იყო ლენინგრადი ოპერისა და ბალეტის თეატრის სოლისტი, 1933–1952წწ. სსრკ მოსკოვის დიდი თეატრის სოლისტი, 1950–1952წწ. ამ თეატრის სარეპერტუარო ნაწილისა და საოპერო დასის გამგე; 1952–1963წწ. და 1967–1973წწ. იყო ზ. ფალიაშვილის სახელობის თბილისის ოპერისა და ბალეტის თეატრის დირექტორი და სამხატვრო ხელმძღვანელი, 1969–1973წწ. ამ თეატრის ფილიალის, ქუთაისის საოპერო თეატრის დირექტორი; ფლობდა ლამაზი ტემბრის ხმას(ბანი); დაჯილდოებული იყო სცენური ნიჭით; შესრულებული აქვს, მთავარი პარტიები: ცანგალა(ზ. ფალიაშვილის "დაისი"), ბორისი(მუსორგსკის "ბორის გოდუნოვი"), მეწისქვილე(დარგომიჟსკის "ალი"), მეფისტოფელი(გუნოს "ფაუსტი"), გუდალი(რუბინშტეინის "დემონი"); 1955 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის პედაგოგი, მისი მოწაფეები იყვნენ: თ. ლაფერაშვილი, ჯ. მდივანი, რ. კუბლაშვილი; ავტორია წიგნისა "ქართველ მომღერალთა სამი თაობა"(1968, თბილისი).

წყარო: მუსიკის ენციკლოპედიური ლექსიკონი. – თბ., 2007. – გვ. 192

• საქართველოს სახალხო არტისტი