მერი ნაკაშიძე

დაბადების ადგილი: ქ. სიღნაღი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1936 წელს.

1936–1963წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი; ლამაზი ხმის(ლირიკულ–კოლორატურული სოპრანო) მქონე მსახიობმა შექმნა მრავალი დასამახსოვრებელი ვოკალურ–სცენური სახე, რომელთაგან ნატიფი ლირიზმითა და პოეტურობით გამოირჩევა: მარო, ლატავრა(ზ. ფალიაშვილის "დაისი", "ლატავრა"), ქეთო(ვ. დოლიძის "ქეთო და კოტე"), ცირა(მ. ბალანჩივაძის "დარეჯან ცბიერი"), მზია, ბულბული(ა. ანდრიაშვილის "კაკო ყაჩაღი", "ჩხიკვთა ქორწილი"), ლაკმე(დელიბის "ლაკმე"), ვიოლეტა, ჯილდა(ვერდის "ტრავიატა", "რიგოლეტო"), როზინა(როსინის "სევილიელი დალაქი"), მარფა(რიმსკი–კორსაკოვის "მეფის საცოლე"); წარმატებით ასრულებდა გლიერის კონცერტს ვოკალისათვის, ი. შტრაუსის ვალსს "ვენის ტყის ზღაპრები", ბრუსილოვსკის "ორ მერცხალს", უკრაინულ ხალხურ სიმღერას "სოლოვეიკო"; ეწეოდა ნაყოფიერ საკონცერტო მოღვაწეობას; გასტროლებს მართავდა სსრკ ქალაქებში, იყო პოლონეთში, გერმანიაში; გაახმოვანა ქეთოს პარტია ფილმში "ქეთო და კოტე"(1948).

წყარო: მუსიკის ენციკლოპედიური ლექსიკონი. – თბ., 2007. – გვ. 193; ქართული საბჭოთა ენციკლოპედია, ტ. 7. -თბ., 1984. -გვ. 302 

• 1957 - ვოკალისტთა საკავშირო კონკურსი
• 1955 - საქართველოს სახალხო არტისტი
• 1951 - ვოკალისტთა რესპუბლიკური კონკურსი
• საპატიო ნიშნის ორდენი
• შრომის წითელი დროშის ორდენი