ალექსანდრე ნიჟარაძე

დაბადების ადგილი: ქ. თბილისი.

დაამთავრა პეტრე ჩაიკოვსკის სახელობის მოსკოვის სახელმწიფო კონსერვატორია 1956 წელს.

1959 წლიდან ეწეოდა პედაგოგიურ მუშაობას ვ. სარაჯიშვილის სახელობის თბილისის სახელმწიფო კონსერვატორიაში, 1967 წლიდან  დოცენტი, 1982 წლიდან კი პროფესორი იყო; 1956 წლიდან დაიწყო საკონცერტო მოღვაწეობა, შემოიარა საქართველოსა და სსრკ-ს ქალაქები, მოგვიანებით საზღვარგარეთის ქვეყნები(გერმანია, პოლონეთი, უნგრეთი); 1960 წელს ამიერკავკასიის მუსიკოს–შემსრულებელთა I კონკურსის ლაურეატი გახდა; მისი დაკვრა გამოირჩეოდა მაღალი პროფესიონალიზმით, საშემსრულებლო კულტურით; რეპერტუარში ძირითადად ჰქონდა კლასიკური და რომანტიკული საფორტეპიანო ლიტერატურის ნიმუშები, აგრეთვე ქართველ კომპოზიტორთა ნაწარმოებები; პიანისტი, ანსამბლისტი.

წყარო: მუსიკის ენციკლოპედიური ლექსიკონი. – თბ., 2007. – გვ. 196

• 1987 - საქართველოს სახალხო არტისტი
• 1960 - ამიერკავკასიის მუსიკოს-შემსრულებელთა კონკურსი (I კონკურსი)