გიორგი დვანაძე

დაბადების ადგილი: სოფელი ჭალა, კასპის რაიონი.

სწავლობდა გორის სამაზრო სასწავლებელში.

იყო გიორგი ერისთავის დასის ერთ–ერთი პირველი წევრი; 1856 წელს თეატრის დაშლის შემდეგ სოფელში დაბრუნდა და მეურნეობას მოჰკიდა ხელი; პარალელურად მონაწილეობდა სცენისმოყვარულთა წარმოდგენებში; ეწეოდა ლიტერატურულ მოღვაწეობას, ჟურნალ "ცისკარში" ბეჭდავდა ლექსებს (მის ლექსებზე შემდეგ სიმღერებს ქმნიდნენ); ცილისწამების ნიადაგზე (დააბრალეს კაცის მოკვლა) 10 წლით კატორღა და სამუდამოდ ციმბირში გადასხახლება მიუსაჯეს; 1886 წელს შეწყალეს და გაათავისუფლეს, მაგრამ სამშობლოში ვეღარ ჩამოაღწია; გ. ერისთავის თეატრში შესრულებული როლები: დავით სერაშიძე, აზნაური გვერდელაძე (ზ. ანტონოვის "მინდა კნეინა გავხდე" და "ქმარი ხუთი ცოლისა"), მარტირუზა, ხარაზი ასანა (გ. ერისთავის "უჩინმაჩინის ქუდი" და "თილისმის ხანი"); ასევე წერდა პიესებს; 1852–1853წწ. დაიდგა მისი პიესა – "სახლი კუკიაში"; 1878 წელს გამოიცა მის მიერ დაწერილი პოემა – "ყარაბაღელი ყაჩაღი ასლან ბეგი"; ასევე საინტერესოა ციხეში დაწერილი ავტობიოგრაფია – "სიყმაწვილიდან ჩემი ცხოვრება", რომელიც საინტერესო ფაქტობრივ მასალას შეიცავს.

წყარო: საქართველო: ენციკლოპედია: ტ.2. – თბ., 2012. – გვ.394; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.864

• ყარაბაღელი ყაჩაღი ასლანბეგი : თქმული გ. დვანიძისაგან (ავტორი). - თბილისი, ქართული წიგნის მაღაზიის გამოც., (ა. ა. მიხელსონის სტ.), 1878. - 31გვ.