მიხეილ დიასამიძე

დაბადების ადგილი: სოფელი გაღმა ვანი, ვანის რაიონი.

დაამთავრა სამხედრო მეთაურთა სკოლა ბაქოში 1933 წელს.

1933 წელს დაინიშნა ქ. ნოვოროსიისკში 22–ე წითელდროშოვანი მსროლელი დივიზიის 65–ე პოლკის ოცეულის მეთაურად; 1937 წლიდან მსახურობდა შორეულ აღმოსავლეთში, სადაც მეთაურობდა პოლკის სკოლასა და ბატალიონს; 1938 წელს მონაწილეობდა იაპონელთა წინააღმდეგ ბრძოლაში ხასანის ტბასთან; 1958 წელს მისი ხელმძღვანელობით მეომრებმა ქ. კურსის მახლობლად გააუვნებელყვეს ომის წლებში გერმანული ფაშისტების მიერ დანაღმული ველი; მიღებული აქვს სახელმწიფო ჯილდოები, მათ შორის საბრძოლო ორდენები და მედლები; საბჭოთა გვარდიის პოლკოვნიკი.

წყარო: საქართველო: ენციკლოპედია: ტ.2. – თბ., 2012. – გვ.402; საქართველოს ნეკროპოლი: geonecropol.com

• 1942 - საბჭოთა კავშირის გმირი
  II მსოფლიო ომის დროს სტალინგრადის ბრძოლაში გამოჩენილი მამაცობისთვის