დავით კობალავა

დაბადების ადგილი: სოფელი ბოვაური, ოზურგეთის რაიონი.

დაამთავრა საქართველოს ზოოტექნიკურ-სავეტერინარო ინსტიტუტის ზოოტექნიკური ფაკულტეტი 1937 წელს.

1937 წელს მუშაობას იწყებს საქართველოს ზოოტექნიკურ-სავეტერინარო ინსტიტუტის კერძო ზოოტექნიკის კათედრაზე; 1938-1941წწ. სწავლობს მოსკოვის ტიმირიაზევის სახელობის სასოფლო-სამეურნეო აკადემიის ასპირანტურაში; 1941-1945წწ. საქართველოს მიწსახკომის სანაშენო საქმის ინსპექტორია; 1945-1956წწ. საქართველოს მეცხოველეობის სამეცნიერო კვლევითი ინსტიტუტის მეცხენეობის განყოფილების უფროსი მეცნიერ თანამშრომელი; 1959-1967წწ. ახლად რეორგანიზებული ზოოვეტერინარული ინსტიტუტის ცხოველთა კვების და საკვებთა ტექნოლოგიის განყოფილების უფროსი მეცნიერ თანამშრომელი; 1967-1987წწ. ჯერ მეცხენეობის, ხოლო შემდეგ მეცხენეობა-მებოცვრეობის განყოფილების გამგე. არის 80-მდე სამეცნიერო ნაშრომის ავტორი, რომელიც ეხება მეცხენეობას, მებოცვრეობას და ცხოველთა კვების საკითხებს. ზოოტექნიკოსი, პროფესორი.

სადოქტორო დისერტაციის თემა - "სასოფლო-სამეურნეო წარმოების ანარჩენების ბიოლოგიური გადამუშავების შედეგად მიღებული ბაქტერიული ბიომასის გამოყენება მსხვილფეხა რქოსანი პირუტყვის, ღორის და ფრინველის პროდუქტიულობის გადიდების საქმეში", დაიცვა 1974 წელს.

წყარო: საქართველოს ზოოტექნიკური განათლებისა და მეცნიერების ფუძემდებლები. – თბ., 2004. – გვ.163

• მეცხენეობის განვითარება საქართველოში (ავტორი). - თბილისი, 1981. - 24გვ.
• კვიცის გამოზრდა ჯოგური მეურნეობის პირობებში (ავტორი). - თბილისი, სახელგამი, 1954. - 32გვ.