ნიკოლოზ მელითაური

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აგრონომიული ფაკულტეტი აგრონომ-ზოოტექნიკოსის კვალიფიკაციით 1929 წელს.

1929 წელს მუშობა დაიწყო საქართველოს მიწსახკომის ცენტრალურ ზოოტექნიკურ სადგურში მეცხვარეობის ლაბორატორიაში ლაბორანტად; 1930 წელს ამავე სადგურის ჰისტოლოგიის ლაბორატორიაში უფროსს ასისტენტად; 1930-1932წწ. სასოფლო-სამეურნეო ინსტიტუტის ზოოტექნიკური ფაკულტეტის მსხვილფეხა რქოსანი საქონლის კათედრის ასისტენტად; 1932 წელს ინიშნება ამიერკავკასიის მეცხოველეობის სამეცნიერო-კვლევითი ინსტიტუტის ჰისტოლოგიის ლაბორატორიის გამგედ და შეთავსებით ზოოტექნიკურ-სავეტერინარო ინსტიტუტის შინაურ ცხოველთა კვების კათედრის ასისტენტად; 1933-1936წწ. სამტრესტის შირაქის საბჭოთა მეურნეობის უფროსი ზოოტექნიკოსი; 1936-1938წწ. საქართველოს განსახკომის ზოობიოლოგიური სადგურის ჰიბრიდიზაციის ლაბორატორიის უფროსი მეცნიერ-თანამშრომელი; 1938 წლიდან საქართველოს ზოოტექნიკურ-სავეტერინარო ინსტიტუტის მეცხოველეობის კათედრის დოცენტი, მეღორეობის და მეცხვარეობის საგნის ხელმძღვანელი; 1942-1947წწ. თბილისის ზოოპარკის დირექტორის მოადგილე; 1950-1954წწ. საქართველოს მეცხოველეობის სამეცნიერო-კვლევითი ინსტიტუტის დირექტორის მოადგილე სამეცნიერო ნაწილში; 1954-1972წწ. და 1975-1976წწ. საქართველოს ზოოვეტინსტიტუტის ზოოტექნიკური ფაკულტეტის დეკანი; 1972-1984წწ. ხელმძღვანელობს მეცხოველეობის კათედრას და უძღვება მეღორეობის კურსს ზოოტექნიკურ ფაკულტეტზე, 1984-1986წწ. აღნიშნული კათედრის დოცენტი. არის 60-მდე მეცნიერული ნაშრომის და 5 სახელმძღვანელოს ავტორი. ზოოტექნიკოსი, სოფლის მეურნეობის მეცნიერებათა კანდიდატი.

საკანდიდატო დისერტაციის თემა - "თუშური თოხლის ინტენსიური სუქება", დაიცვა 1937 წელს.

წყარო: საქართველოს ზოოტექნიკური განათლებისა და მეცნიერების ფუძემდებლები. – თბ., 2004. – გვ.166

• სანაშენე მუშაობის ორგანიზაცია მეღორეობაში (ავტორი). - თბილისი, გ.ა., 1978. - 290გვ.
• ღორის ხორცის წარმოების ტექნოლოგია სამრეწველო საფუძველზე (ავტორი). - თბილისი, საბჭ. საქართველო, 1976. - 107გვ.
• ლანდრასის კერატების გამოყენების ეფექტურობა სამრეწველო შეჯვარებისას (ავტორი). - თბილისი, 1973. - 8გვ.