მარინე კობახიძე

დაამთავრა თბილისის სახელმწიფო სამედიცინო ინსტიტუტის სან. ჰიგიენური ფაკულტეტი.

1971–1974წწ. იყო თბილისის სახელმწიფო ექიმთა დახელოვნების ინსტიტუტის ასპირანტი სამედიცინო მიკრობიოლოგიის სპეციალობით; 1974–1985წწ. ამავე ინსტიტუტის მიკრობიოლოგიისა და ეპიდემიოლოგიის კათედრის უფროსი ლაბორანტი; 1985–1998წწ. ჰემატოლოგიისა და სისხლის გადასხმის სამეცნიერო–კვლევითი ინსტიტუტის  უფროსი მეცნიერ–თანამშრომელი. მუშაობდა სამედიცინო და ექიმთა დახელოვნების ინსტიტუტში ასისტენტად. არის 34 სამეცნიერო ნაშრომის ავტორი ორგანიზმის იმუნოლოგიური რეაქტივობის, არასპეციფიკური დაცვის ფაქტორებზე, ინფექციურ გართულებათა ეტიოლოგიის პრობლემებზე. მედიცინის მეცნიერებათა კანდიდატი, ექიმი–მიკრობიოლოგი.

საკანდიდატო დისერტაციის თემა – "ადამიანის ურო–გენიტალური ტრაქტის მიკროპლაზმები", დაიცვა 1977 წელს მოსკოვის I სამედიცინო ინსტიტუტის სამეცნიერო საბჭოზე.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.159