შალვა დიასამიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1934 წელს.

1929 წლიდან თამაშობდა თბილისის უნივერსიტეტის გუნდში; 1934 წელს მუშაობდა თბილისის სახელმწიფო უნივერსიტეტის ფიზიკური აღზრდის და სპორტის კათედრაზე; 1941-1945წწ. იყო ამავე კათედრის გამგე; 1944 წელს ჩამოაყალიბა თბილისის სახელმწიფო უნივერსიტეტის კალათბურთელ ქალთა გუნდი, რომელიც 1948 წელს ჩემპიონი გახდა; 1947-1949წწ. მიიწვიეს თბილისის "დინამოს" ოსტატ კალათბურთელთა გუნდის მწვრთნელად(1947 წელს სსრკ პირველობაზე II ადგილი; 1949 წელს სსრკ თასი); 1948-1952წწ. ავარჯიშებდა თბილისის განათლების განყოფილების ბავშვთა გუნდს; 1949-1953წწ. იყო თბილისის სახელმწიფო უნივერსიტეტის ფიზიკური აღზრდის და სპორტის კათედრის მასწავლებელი და ქალთა ნაკრების გუნდის მწვრთნელი; 1953 წლიდან სიცოცხლის ბოლომდე მუშაობდა საქართველოს ფიზიკური კულტურის ინსტიტუტის პედაგოგად და ვაჟთა გუნდის მწვრთნელად; აღზარდა არაერთი ცნობილი კალათბურთელი; ქართული კალათბურთის ერთ–ერთი ფუძემდებელი; კალათბურთის მწვრთნელი.

წყარო: საქართველო: ენციკლოპედია: ტ.2. – თბ., 2012. – გვ.403

• 1966 - საქართველოს დამსახურებული მწვრთნელი
• 1957 - სსრკ დამსახურებული მწვრთნელი