The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



გრიგოლ დიასამიძე

გრიგოლ დიასამიძე
სხვა სახელი:გრ. დ-ძე  (ფსევდონიმი)
გრ. დ.  (ფსევდონიმი)
დაბადების თარიღი:25 იანვარი, 1870
გარდაცვ. თარიღი:14 მარტი, 1960  (90 წლის ასაკში)
დაკრძალვის ადგილი:ნიუ–იორკის მართმადიდებელი ეკლესიის ეზო
კატეგორია:იურისტი, მწერალი

ბიოგრაფია

დაბადების ადგილი: სოფელი საქაშეთი, გორის რაიონი.

სწავლობდა ნოვოროსიის (ოდესა) უნივერსიტეტის იურიდიულ ფაკულტეტზე 1888 წლიდან.

1892 წელს დაბრუნდა საქართველოში; გახდა ნაფიცი მსაჯული; 1894-1895წწ. ასწავლიდა ქართულ ენასა და ლიტერატურას ამიერკავკასიის ქალთა ინსტიტუტში; 1911-1915წწ. რედაქტორობდა და გამოსცემდა საკუთარ ყოველკვირეულ გაზეთს "თემი" ა. წერეთლის თანამშრომლობითა და მონაწილეობით; 1917-1918წწ. რედაქტორობდა რუსულ გაზეთ "რესპუბლიკას"; 1920 წელს დაიწყო ყოველთვიური კულტურულ–პოლიტიკური დასურათებული ჟურნალის "ბრატსტვოს" ("ძმობა") გამოცემა; 1902-1904წწ. დაარსა საკრედიტო ამხანაგობანი სოფლებში: ჭრებალოში, საქაშეთსა და ალში, ხოლო 1915 წელს თბილიში – შემნახველი სალარო და მებაღეობა–მევენახეობის ამხანაგობა "ალექსანდროული"; თბილისში მას ეკუთვნოდა პირველი ელექტროსაბეჭდი "გუტენბერგი"; 1921 წელს ქალიშვილთან ერთად წავიდა ემიგრაციაში; დასახლდა ბერლინში, სადაც დაარსა საგამომცემლო საზოგადოება "ნაერ ოსტენი" ("ახლო აღმოსავლეთი") გერმანულ ენაზე; 1922 წელს რედაქტორობდა ყოველთვიურ გერმანულ ჟურნალ "მორგენლანდს"; აქტიურად თანამშრომლობდა ჟურნალ "კავკასიაში", რომელიც ქართულ და რუსულ ენებზე გამოდიოდა; 1952 წელს იგი ნიუ–იორკში გადავიდა საცხოვრებლად, სადაც მიუხედავად ხანდაზმულობისა არ შეუწყვეტია ლიტერატურული საქმიანობა; ბეჭდავდა საყურადღებო წერილებსა და მოგონებებს იქაურ ქართულ პრესაში ("ჩვენი გზა", "კრებული"); საზოგადო მოღვაწე. ნიკოლოზ დიასამიძის შვილი.

წყარო: საქართველო: ენციკლოპედია: ტ.2. – თბ., 2012. – გვ.402; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.866   


გააზიარე: