გრიგოლ დიდებულიძე

დაბადების ადგილი: სოფელი იგოეთი, კასპის რაიონი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1924 წელს.

1919 წელს ჩააბარა ვარშავის უნივერსიტეტის სამკურნალო ფაკულტეტზე, მაგრამ გადავიდა თსუ-ში; 1938-1940წწ. იყო თბილისის სამედიცინო ინსტიტუტის პედიატრიული ფაკულტეტის პროპედევტიკული თერაპიის კათედრის გამგე; 1940-1945წწ. ამავე ფაკულტეტის ჰოსპიტალური თერაპიის კათედრის გამგე; 1945 წლიდან განაგებდა სამკურნალო ფაკულტეტის შინაგან სნეულებათა პროპედევტიკის კათედრას; 1943-1947წწ. თბილისის ექიმთა დახელოვნების ინსტიტუტის თერაპიის კათედრის გამგეა; 1947-1950წწ. ხელმძღვანელობდა საქართველოს მეცნიერებათა აკადემიის კარდიოლოგიის ინსტიტუტის კლინიკურ განყოფილებას; 1923 წელს სტუდენტობის პერიოდში ნ. მახვილაძესთან ერთად აღმოაჩინა და შეისწავლა მუცლის პარაზიტი ანკილოსტომიდოზი საქართველოში; შეისწავლა და აღწერა ბორჯომის მინერალური წყლების გავლენა თორმეტგოჯა ნაწლავის სეკრეციაზე, შემაერთებელი ქსოვილის როლი წყლის ცვლის პროცესში, კანქვეშა ქსოვილში შეყვანილი ნივთიერებების შეწოვის საკითხი; მიღებული აქვს სახელმწიფო ჯილდოები; თერაპევტი, მედიცინის მეცნიერებათა დოქტორი (1945), პროფესორი (1945).

წყარო: საქართველო: ენციკლოპედია: ტ.2. – თბ., 2012. – გვ.410; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.282