მარიამ დიდებულიძე

დაამთავრა თბილისის სამხატვრო აკადემია 1974 წელს.

1974 წლიდან - გიორგი ჩუბინაშვილის სახელობის ქართული ხელოვნების ისტორიის ინსტიტუტის მეცნიერ-თანამშრომელი; 2009 წლიდან - გიორგი ჩუბინაშვილის ცენტრის დირექტორი; 1998 წლიდან ეწეოდა პედაგოგიურ საქმიანობას თბილისის სასულიერო აკადემიაში; 1997 წლიდან არის საქართველოს კულტურული მემკვიდრეობის დაცვის ფონდის სარეაბილიტაციო პროექტების კოორდინატორი; მისი სამეცნიერო მოღვაწეობის ძირითადი სფეროა შუა საუკუნეების ფერწერა; ავტორია მრავალი სამეცნიერო პუბლიკაციისა; მონაწილეობდა საერთაშორისო სიმპოზიუმებსა და კონკურსებში; თბილისის სასულიერო აკადემიაში ქრისტიანული ხელოვნების ფაკულტეტზე  მიჰყავს ბიზანტიური მხატვრობის ისტორიის კურსი; თბილისის სამხატვრო აკადემიაში – შუა საუკუნეების ქართული სახვითი ხელოვნების ისტორიის კურსი. ხელოვნების ისტირიკოსი, ხელოვნებათმცოდნე, ხელოვნებათმცოდნეობის დოქტორი (2006).

სადოქტორო დისერტაციის თემა - "ყინწვისის წმ. ნიკოლოზის ტაძრის ფერწერული ანსამბლის მხატვრული სახე : (XII-XIII სს-თა მიჯნის ქართ. კედლის მხატვრობის მიმართება ბიზანტიურ ფერწერასთან)", დაიცვა 2006 წელს.

წყარო: საქართველო: ენციკლოპედია: ტ.2. – თბ., 2012. – გვ.411; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.583; გიორგი ჩუბინაშვილის ცენტრი: gch-centre.ge

• საქართველოს საპატრიარქოს ქრისტიანული ხუროთმოძღვრების ხელოვნებისა და რესტავრაციის ცენტრი, სამეცნიერო საბჭოს წევრი

• ხელოვნების ამბავი (მთარგმნელი). - თბილისი, ლოგოს პრესი, 2012. - 688 გვ.. - ISBN: 978-9941-418-53-2
• საერთაშორისო კონფერენცია "ტაო-კლარჯეთი" (თანაავტორი). - თბილისი, 2010. - 118გვ.. - ISBN: 978-9941-9091-7-7
• ძეგლზე მოქცევის წესები ყმაწვილთათვის (თანაავტორი). - თბილისი, 2008. - 24გვ.. - ISBN: 978-9941-404-26-9