დიმიტრი

"პროვინციის მეფე" XVI საუკუნის დასაწყისში, ვახტანგ III–ის ძე; ვახტანგ III–ს "დარჩეს შვილნი ორნი: დიმიტრი და გიორგი, დიმიტრის დმანისი აქუნდა და გიორგის – სამშვილდე"; გიორგის შესახებ აღარაფერი ვიცით; დიმიტრის კი, ზოგი მკვლევრის მოსაზრებით, მცირე ხნით აღმოსავლეთ საქართველოს ტახტი ეპყრა(პეტრიწონის მონასტრის ღვთისმშობლის ხატის 1311 წლის წარწერის მიხედვით, ამ დროს აღმოსავლეთ საქართველოში მეფობს დიმიტრი), მაგრამ როგორც ჩანს, დავით VIII–ის გარდაცვალების შემდეგ დიმიტრიმ დმანისში თავისი უფლებამოსილება "მეფის" რანგში აიყვანა და რეალურად მხოლოდ დმანისის მხარის "პროვინციის მეფე" იყო.

წყარო: საქართველო: ენციკლოპედია: ტ.2. – თბ., 2012. – გვ.433