ნიკო ქუმსიშვილი

დაბადების ადგილი: სოფელი ზემო ორხევი, თიანეთის რაიონი.

მუსიკალური განათლება მიიღო თბილისის სამუსიკო სასწავლებელში.

ბავშვობიდან მღეროდა ჯერ სასკოლო, შემდეგ მ. კავსაძის გუნდში; 1923 წელს შედგა მისი დებიუტი ზ. ფალიაშვილის სახელობის თბილისის ოპერისა და ბალეტის თეატრის სცენაზე(ზ. ფალიაშვილის "დაისი"); 1924 წლიდან ამავე თეატრის სოლისტი იყო; 1932–1933წწ. მიიწვიეს ლენინგრადიმ საოპერო თეატრში; 1937 წელს წარმატებით გამოვიდა ქართული ხელოვნების დეკადაზე მოსკოვში; ჰქონდა ულამაზესი ტემბრის, ფართო დიაპაზონისა და განსაკუთრებული სიძლიერის ხმა(დრამატული ტენორი); 20 წლის მანძილზე 46 პარტია შეასრულა, განსაკუთრებით აღსანიშნავია: აბესალომი, მალხაზი, რატი(ზ. ფალიაშვილის "აბესალომ და ეთერი", დაისი", "ლატავრა"), ნიკო(მ. ბალანჩივაძის "დარეჯან ცბიერი"), ოტელო, მანრიკო, რადამესი(ვერდის "ოტელო", "ტრუბადური", "აიდა"), რაული(მეიერბერის "ჰუგენოტები"), ელიაზარი(ჰალევის "რაქილი"), გრიგორი(ძერჟინსკის "წყნარი დონი").

წყარო: მუსიკის ენციკლოპედიური ლექსიკონი. – თბ., 2007. – გვ. 304

• საქართველოს სახალხო არტისტი