მიხეილ ყვარელაშვილი

დაბადების ადგილი: სოფელი ხაშმი, საგარეჯოს რაიონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1932 წელს.

1932–1959წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი; ლამაზი ტემბრის ხმის(ლირიული ტენორი), შესანიშნავი სცენური მონაცემების მეოხებით შექმნა დასამახსოვრებელი სახეები ქართულ და უცხოურ ოპერებში; ეწეოდა ნაყოფიერ საკონცერტო მოღვაწეობას; 1937 წელს მას წარმატება მოუტანა მოსკოვში ქართული ლიტერატურისა და ხელოვნების დეკადაზე გამოსვლამ, აქ წარმოდგენილ სამ ოპერაში მიიღო მონაწილეობა(ზ. ფალიაშვილის "დაისი", ვ. დოლიძის "ქეთო და კოტე", მ. ბალანჩივაძის "დარეჯან ცბიერი"); 1957 წლიდან ეწეოდა პედაგოგიურ მოღვაწეობას თბილისის თეატრალურ ინსტიტუტში; გადაღებულია კინოფილმებში: "აკაკის აკვანი", "მაიაკოვსკი იწყებოდა ასე"(ვ. პიპინაშვილის), აგრეთვე ფილმში "ეთერის სიმღერა"(რეჟ. ს. დოლიძე), დოკუმენტურ ფილმში "აკაკი წერეთელი", ყველა ამ ფილმში შეასრულა აკაკი წერეთლის როლი.

წყარო: მუსიკის ენციკლოპედიური ლექსიკონი. – თბ., 2007. – გვ. 307

• 1965 - საქართველოს სახალხო არტისტი