ალექსანდრე დიღმელოვი

დაბადების ადგილი: სოფელი ჭოპორტი, დუშეთის რაიონი.

1899-1900წწ. მამის ფოტოატელიეში მუშაობდა ლაბორანტად და რეტუშორად; 1910 წლიდან დამოუკიდებლად დაიწყო კინოსიუჟეტებისა და მოკლემეტრაჟიანი დოკუმენტური ფილმების გადაღება, მათ შორის იყო: "ვასილიევის, უტოჩკინისა და ქებურიას გაფრენა", "მცხეთობა", "ბორჯომის მინერალური წყალი", "თბილისის ბოტანიკური ბაღი", "ქართული ჭიდაობა", "ყარაჩოღელთა ქეიფი მცურავ ტივებზე"; მისივე გადაღებულია პირველი ქართული მხატვრული ფილმი "ქრისტინე"(1916-1918, რეჟ. ა. წუწუნავა); აგრეთვე რეჟისორ ვ. ბარსკის მხატვრული ფილმები – "თავმოკვეთილი გვამი"(1919), "ცეცხლთაყვანისმცემლები"(1920); აქტიურად მონაწილეობდა კინემატოგრაფიულ საქმიანობაში; იყო "სახკინმრეწვის" წამყვანი ოპერატორი; მისი საუკეთესო ფილმებია: "არსენა ჯორჯიაშვილი"(1921), "წითელი ეშმაკუნები"(1923), "სამი სიცოცხე"(1924), "ჯანყი გურიაში"(1928), "უკანასკნელი ჯვაროსნები"(1934), "არსენა"(1937), "გიორგი სააკაძე"(1942-1943); "ქეთო და კოტე"(1948), "ქაჯეთი"(1936); მიღებული აქვს სახელმწიფო ჯილდოები; ქართული საოპერატორო სკოლის ერთ–ერთ ფუძემდებელი, კინოოპერატორი.

წყარო: საქართველო: ენციკლოპედია: ტ.2. – თბ., 2012. – გვ.452; ეროვნული ფილმოგრაფიის პორტალი: geocinema.ge

• 1946 - სსრკ სახელმწიფო პრემია
  ფილმ "გიორგი სააკაძის" გადაღებაში მონაწილეობისათვის
• 1945 - საქართველოს ხელოვნების დამსახურებული მოღვაწე