გია ლობჟანიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1979 წელს.

1980–1981წწ. - თბილისის II საავადმყოფოს ინტერნი; 1983–1984წწ. - თბილისის სახელმწიფო სამედიცინო ინსტიტუტის კლინიკური ორდინატორი; 1983–1984წწ. - გარდაბნის რაიონის ქირურგი; 1984–1987წწ. - თბილისის სახელმწიფო სამედიცინო ინსტიტუტის ასპირანტი; 1987–1994წწ. - თბილისის სახელმწიფო სამედიცინო ინსტიტუტის სამკურნალო ქირურგიის კათედრის ასპირანტი; 1994–1996წწ. - ამავე კათედრის დოცენტი; 1991 წლიდან - თბილისის სახელმწიფო სამედიცინო უნივერსიტეტის სამკურნალო ფაკულტეტის დეკანის მოადგილე, 1999 წლიდან – დეკანი; 1996 წლიდან  - თბილისის სახელმწიფო სამედიცინო უნივერსიტეტის  ქირურგიულ სნეულებათა №3 კათედრის პროფესორი; 1989–1993წწ. მუშაობდა მოსკოვის II სამედიცინო ინსტიტუტის ჰოსპიტალური ქირურგიის კათედრაზე, რუსეთის ქირურგიის სამეცნიერო ცენტრში. თბილისის სახელმწიფო უნივერსიტეტის მედიცინის ფაკულტეტის ზოგადი ქირურგიის კათედრის ხელმძღვანელი. ავტორია 167 სამეცნიერო შრომის, 2 მონოგრაფიის, 3 მეთოდური რეკომენდაციის. კვლევის თემა: კუჭის და თორმეტგოჯა ნაწლავის წყლულის დიაგნოსტიკა, კლინიკა და ქირურგიული მკურნალობის მეთოდები. მედიცინის მეცნიერებათა დოქტორი (1994), პროფესორი (1998).

საკანდიდატო დისერტაციის თემა -"თორმეტგოჯა ნაწლავის პოსტბულბარული წყლულების კლინიკა და მკურნალობა", დაიცვა 1987 წელს; სადოქტორო დისერტაციის თემა - "კუჭის წყლულის კლინიკა და ქირურგიული მკურნალობის მეთოდები", დაიცვა 1994 წელს. 

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.169; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.344; თბილისის სახელმწიფო უნივერსიტეტი: tsu.ge

• გრიგოლ მუხაძის სახელობის ქირურგიული საზოგადოება , წევრი
• თბილისის ვაჟ ხელბურთელთა ნაკრები, წევრი (1971-1973)
• თბილისის სახელმწიფო სამედიცინო ინსტიტუტთან არსებული ქირურგიის სადისერტაციო საბჭო , სწავლული მდივანი
• თბილისის სახელმწიფო სამედიცინო ინსტიტუტის ნაკრები , წევრი (1973-1979)
• ნიუ–იორკის მეცნიერებათა აკადემია, წევრი
• საქართველოს ექიმთა ასოციაცია, პრეზიდენტი
• საქართველოს მედიკო–ბიოლოგიური აკადემია, აკადემიკოსი
• საქართველოს ჩემპიონატებისა და თასის პრიზიორი
• ქირურგთა ინტერნაციონალური კოლეჯი, წევრი

• ქ. ტლანტას (აშშ) საპატიო მოქალაქე

• კუჭის წყლული: ეტიოპათოგენეზი, კლინიკა, დიაგნოზი, მკურნალობა : [მონოგრაფია] (ავტორი). - თბილისი, ს/ს "პირველი სტამბა", 1998. - 176გვ.