თამაზ ლობჟანიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1972–1974წწ. იყო გორის მოზრდილთა პოლიკლინიკის უბნის თერაპევტი; 1974–1975წწ. თბილისის ექიმთა დახელოვნების ინსტიტუტის კლინიკის ორდინატორი; 1975–1981წწ. ამავე ინსტიტუტის თერაპიის კათედრის უფროსი ლაბორანტი; 1981–1986წწ. თერაპია–პულმონოლოგიის კათედრის ასისტენტი; 1986-2004წწ. სახელმწიფო სამედიცინო აკადემიის შინაგან სნეულებათა კათედრის დოცენტი; 2004-2006წწ. სახელმწიფო სამედიცინო აკადემიის შინაგან სნეულებათა კათედრის პროფესორი; 2006 წლიდან თბილისის სახელმწიფო სამედიცინო უნივერსიტეტის დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტის შინაგან მედიცინაში პროფესიული რეაბილიტაციის პროგრამების ხელმძღვანელი. ავტორია 100-ზე მეტი სამეცნიერო ნაშრომისა, რომლებიც ძირითადად ეძღვნება პულმონოლოგიის, კარდიოლოგიის და დიაბეტოლოგიის აქტუალურ საკითხებს, მათშორის 2 მეთოდური რეკომებდაცია, 4 წიგნი და 2 მონოგრაფია. მისი ხელმძღვანელობით დაცულია ორი სადისერტაციო ნაშრომი აკადემიური დოქტორის ხარისხის მოსაპოვებლად. თერაპევტი, მედიცინის მეცნიერებათა დოქტორი.

საკანდიდატო დისერტაციის თემა - "ტრიბუსპონინის და ტრივიპირინის ანტიათეროსკლეროზული მოქმედების შედარებითი ექსპერიმენტულ–კლინიკური შესწავლა", დაიცვა 1980 წელს.

სადოქტორო დისერტაციის თემა - "დიაბეტური პულმოპათიის კლინიკური და მორფოლოგიური საფუძვლები", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.170

• თერაპევტთა და პულმონოლოგთა ასოციაცია, წევრი
• ჟურნალ "კარდიოლოგია და შინაგანი მედიცინა XXI"- სარედაქციო საბჭო, წევრი (2006-)
• ჟურნალ "საქართველოს რესპირაციული ჟურნალი"-ს სარედაქციო საბჭო, წევრი (2007-)
• რუსეთის მედიკო-ტექნიკურ მეცნიერებათა აკადემია, აკადემიკოსი (2005-)
• საქართველოს ინტერნისტთა ასოციაცია, წევრი (1977-)
• საქართველოს რესპირაციული ასოციაცია, წევრი (2007-)

• 2015 - საქართველოს ეროვნული პრემია, სამეცნიერო ნაშრომთა ციკლისთვის - "რესპირაციული მედიცინა XXI-ე საუკუნის დასაწყისში"

• მიხეილ მგალობლიშვილი : ცხოვრება და მოღვაწეობა (ავტორი). - თბილისი, ნეკერი, 2020. - 46გვ.. - ISBN: 978-9941-479-52-6
• რესპირაციული მედიცინის რჩეული საკითხები : სახელმძღვანელო (ავტორი). - თბილისი, 2019. - 720გვ.. - ISBN: 9789941814136
• საქართველოს რესპირაციული ჟურნალი (ავტორი) // ტ. 13, N1: იდიოპათიური ინტერსტიციული პნევმონიები. - თბილისი, 2017. - 4-44გვ.
• მორფოლოგიური ცვლილებები რესპირაციულ სისტემაში ექსპერიმენტული ინსულინდამოკიდებული დიაბეტის დროს (ავტორი). - თბილისი, 2004. - 75გვ.
• ბინაზე მოვლის სახელმძღვანელო ასპექტები სამედიცინო და სოციალური უზრუნველყოფის სისტემებში (თანაავტორი). - თბილისი, ქველმოქმედი, 2004. - 20გვ.
• სანამ ექიმი მოვა... (თანაავტორი). - თბილისი, ქველმოქმედი, 2001. - 72გვ.
• ჯანმრთელი სიბერე (რედაქტორი). - თბილისი, 1999. - 219გვ.