ვაჟა ჩაჩავა

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1956 წელს(საფორტეპიანო).

1960–1970წწ. იყო კამერულ–ვოკალური მუზიცირების ერთ–ერთი მოთავე საქართველოში; 1962-1977 წწ. და 1991 წლის იანვრიდან მუშაობდა პედაგოგად ვ. სარაჯიშვილის სახელობის თბილისის სახელმწიფო კონსერვატორიაში(საკონცერტმეისტერო ოსტატობის, კამერული სიმღერისა და კამერული ანსამბლის კლასები), ზ. ფალიაშვილის სახელობის თბილისის ოპერისა და ბალეტის თეატრში კონცერტმეისტერად; კონცერტებით გამოდიოდა და აკომპანემენტს უწევდა მ. ამირანაშვილს, ზ. სოტკილავას, ც. ტატიშვილს, ლ. ჭყონიას, ნ. ანდღულაძეს, მ. ქასრაშვილს; 1977 წლიდან მუდმივად თანამშრომლობდა დიდ რუს მომღერლებთან – ე. ობრაზცოვასთან და ი. არხიპოვასთან; მონაწილეობდა(როგორც აკომპანიატორი) ვენიასის სახელობის ვოკალისტთა საერთაშორისო(ბარსელონა), მონრეალის, პ. ჩაიკოვსკის სახელობის საერთაშორისო(მოსკოვი) კონკურსებში; ლა-სკალას, ლიცეოს, ჰამბურგის, დრეზდენის ოპერის თეატრებში მოღვაწეობდა; ის ეწეოდა აქტიურ საკონცერტო მოღვაწეობას საზღვარგარეთის ქვეყნებში; 1977 წლიდან იყო მოსკოვის კონსერვატორიის პედაგოგი, პროფესორი; 2009 წელს დაბრუნდა სამშობლოში და სექტემბრიდან დაიწყო მუშაობა ვ. სარაჯიშვილის სახელობის თბილისის სახელმწიფო კონსერვატორიაში პროფესორის თანამდებობაზე, საკონცერტმეისტერო დახელოვნების და სოლო სიმღერის(კამერული სიმღერა) კათედრებზე; პიანისტი-კონცერტმაისტერი.

წყარო: მუსიკის ენციკლოპედიური ლექსიკონი. – თბ., 2007. – გვ. 321; http://www.ghn.ge/

• საზოგადოება "ვერდის მეგობრები", საპატიო წევრი

• 2006 - რუსეთის ხელოვნების დამსახურებული მოღვაწე
• 1984 - საქართველოს სახალხო არტისტი
• მ. გლინკას სახელობის საკავშირო კონკურსი, სპეციალური დიპლომი "საუკეთესო აკომპანემენტისათვის"