ნადეჟდა ცომაია

დაბადების ადგილი: ქ. ქუთაისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1929 წელს.

1929 წელს ახალგაზრდა მომღერალი ჩარიცხეს ზ. ფალიაშვილის სახელობის თბილისის ოპერისა და ბალეტის დასში და მალე წამყვანი პარტიები შეასრულა; მომღერლის საყოველთაო აღიარებას მოწმობდა ის, რომ იგი 1935–1937წწ. მიიწვიეს ლენინგრადის კიროვის სახელობის ოპერისა და ბალეტის აკადემიურ თეატრში; 1937–1960წწ. იგი კვლავ ზ. ფალიაშვილის სახელობის თბილისის ოპერისა და ბალეტის თეატრის სცენაზე მღეროდა; მას ჰქონდა ლამაზი ტემბრის სრული დიაპაზონის ხმა (მეცო–სოპრანო); მის მიერ შესრულებული პარტიებია: ნანო (ზ. ფალიაშვილის "დაისი"), დარეჯანი (მ. ბალანჩივაძის "დარეჯან ცბიერი"), ბარბალე (ვ. დოლიძის "ქეთო და კოტე"), მართა (მუსორგსკის "ხოვანშჩინა"), ამნერისი, აზუჩენა  (ვერდის "აიდა", "ტრუბადური"), კარმენი (ბიზეს "კარმენი"); 1960 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის პედაგოგი.

წყარო: მუსიკის ენციკლოპედიური ლექსიკონი. – თბ., 2007. – გვ. 325

• საქართველოს სახალხო არტისტი